Tags-Shahr

bichhḌeñ to shahar bhar meñ kisī ko pata na ho
tum ko bhī kuchh malāl hameñ bhī gilā na ho

aap se ham kyā kaheñ shahr-e-nigārāñ kā mizāj
jo bhī is māhaul meñ aayā vo patthar ho gayā

nikal ke chehre pe maidān saaf ḳhat ne kiyā
kabhī ye shahr thā aisā ki band rāheñ thiiñ

is ujḌe shahr ke āsār tak nahīñ pahuñche
muarriḳhīn dil-e-zār tak nahīñ pahuñche

ye shahr shahr-e-baḳhīlāñ hai ai dil-e-bīmār
yahāñ to zahr bhī miltā nahīñ davā ke liye

ik jal-thal thī kal tak ye zamīñ ye dasht bhī kal tak dariyā the
ye shor thā kal ik sannāTā ye shahar bhī kal tak sahrā the

palak jhapakte hī
shahr kā shahr hijrat kar gayā

shahar meñ ole paḌe haiñ sar salāmat hai kahāñ
is qadar hai tez āñdhī ghar salāmat hai kahāñ

dost ke shahr meñ jab maiñ pahuñchā shahr kā manzar achchhā thā
la.al-o-gohar se bhī us kī dahlīz kā patthar achchhā thā

ajiib vaj.h-e-mulāqāt thī mirī us se
ki vo bhī merī tarah shahr meñ akelā thā

aañsū the is qadar mirī chashm-e-malāl meñ
har gosha gosha shahr kā ashkoñ se bhar gayā

shahr kī be-charāġh galiyoñ meñ
zindagī tujh ko DhūñDtī hai abhī

tum to yaaro abhī se uTh baiThe
shahr meñ raat jāgtī hai abhī

roġhan charāġh-e-chashm meñ jitnā thā jal chukā
aur shahr-e-jāñ meñ sub.h ke āsār bhī nahīñ

kyā huā ahl-e-junūñ ko ki duā māñgte haiñ
shahr meñ shor na ho dasht meñ vīrānī na ho

ek laḌkā shahr kī raunaq meñ sab kuchh bhuul jaa.e
ek buḌhiyā roz chaukhaT par diyā raushan kare

aag jaltī chhoḌ aa.e ho to ab kyā fikr hai
jaane kitne shahr ye pāgal havā raushan kare

sitam ye kam to nahīñ dil giraftagī ke liye
maiñ shahr bhar meñ akelā idhar-udhar āñkheñ

sīnā-chākān-e-mohabbat ko ḳhabar hai ki nahīñ
shahr-e-ḳhūbāñ ke dar-o-bām sadā dete haiñ

yā dasht meñ us bazm kī raunaq ko na kar yaad
yā shahr kī dīvār se sar phoḌ ke mar jā