Tags-Shahr

hamāre dil kī tarah shahr ke ye raste bhī
hazār bhed chhupā.e hue se lagte haiñ

kisī se qissa-e-shahr-e-tilism kah na sakūñ
ilāhī be-his-o-be-nutq-o-be-basar kar de

ye kis galī meñ ye kis shahr meñ nikal aa.e
kahāñ pe rah ga.iiñ logo sadāqateñ us kī

mere ghar kī dīvāreñ ab mujh ko chaaT rahī haiñ
saare shahr kī miTTī meñ jo merā hissa thā

shahr āseb-zada lagtā hai
kūche kūche meñ balā baiThī hai

junūñ kā pūchhiye ham se ki shahr kā har chaak
isī dukān-e-rafūgar se ho ke jaatā hai

tamām-shahr meñ kis tarah chāñdnī phailī
ki māhtāb to kal raat mere ghar meñ thā

ik samundar shahr ko āġhosh meñ letā huā
ik samundar tere mere darmiyāñ phailā huā

be-laġhzish-e-pā mast huuñ un āñkhoñ se pī kar
yuuñ mohtasib-e-shahr ko hairān kiyā jaa.e

rabt kis se thā kise kis kā shanāsā kaun thā
shahr bhar tanhā thā lekin mujh sā tanhā kaun thā

tire shahr-e-amn kā kyā kaheñ ki har ik makān judā sā hai
haiñ daroñ pe qufl lage hue sar-e-tāq diip bujhā sā hai

tanzīm kā ye haal hai is shahr meñ 'āsim'
be-sāḳhta bachche bhī sharārat nahīñ karte

sikka-e-vaqt badalte hī sabhī chhoḌ ga.e
zaat ke shahr meñ ik umr sahārā huā ishq

dīvāroñ pe kyā likkhā hai
shahr kā shahr hī soch rahā hai

kyā zikr gul-ruḳhoñ kā is shahr ke kareñ ham
har shaḳhs hī yahāñ to qātil banā huā hai

hazār baar vo baiThā hazār baar uThā
bachā na shahr meñ kuchh bhī to chobdār uThā

jo sunte haiñ ki tire shahr meñ dashrā hai
ham apne ghar meñ divālī sajāne lagte haiñ

vo jo shīrīñ-dahan is shahr meñ aayā hai mire
us kā bolā huā shahdāb huā jaatā hai

shahr vaale sabhī be-chehra hue haiñ 'pāshī'
ham ye kin logoñ ko ā.īna dikhāne nikle

amīr-e-shahr ke dāman ko kyā huā 'arshad'
ki sāmne se darīda dikhā.ī detā hai