Tags-Shahr

aag ke bāzīgaroñ ne ab ke khel aisā khelā
shahr kī taqdīr meñ ḳhālī dhuāñ rahne diyā

hudūd-e-dasht meñ ābādiyāñ jo hone lagīñ
ham apne shahr meñ tanhā.iyāñ basāne lage

dasht kyā shai hai junūñ kyā hai divāne ke liye
shahr kyā kam hai mujhe ḳhaak uḌāne ke liye

saañs roke hue phirtā huuñ bhare shahr meñ 'shāz'
us ne kyā raaz diyā mujh ko chhupāne ke liye

ham ahl-e-dard jahāñ bhī haiñ silsila sab kā
tumhāre shahr ke āshuftagāñ se miltā hai

balā haiñ shāhidān-e-shahr 'vahshat' mai-parastī meñ
huā maiñ un kī sohbat meñ ḳharāb āhista āhista

sahrā sahrā chalte chalte kuchh aise mānūs hue
apne apne shahar kā raahī gosha gosha bhuul ga.e

shahr-e-shab meñ kaun sā ghar thā na dī jis par sadā
niiñd ke andhe musāfir ko milā kuchh bhī nahīñ

kaho to saath bahā le chalūñ ye dukh bhare shahr
guzar rahā huuñ ajab ḳhasta sāhiloñ se maiñ

kahīñ aisā na ho vīrāne hoñ phir se ābād
kahīñ aisā na ho har shahr hī jañgal ho jaa.e

shahr-e-nā-pursāñ meñ kuchh apnā pata miltā nahīñ
bām-o-dar raushan haiñ lekin rāsta miltā nahīñ

hākimoñ ne shahr ke andar fasīleñ khīñch diiñ
din meñ bhī ab koī darvāza khulā miltā nahīñ

bojh lamhoñ kā har ik sar pe uThā.e guzrā
koī is shahr meñ sustāne ko Thahrā hī nahīñ

hā.il-e-rāh the kitne hī havā ke parbat
to vo bādal ki mire shahr se guzrā hī nahīñ

dayār-e-ġhair meñ tum kyuuñ talāsh karte ho
hamāre shahr meñ kyā ahl-e-fan ke laale haiñ

ab kahne vaale kahte haiñ is shahr meñ raat nahīñ hotī
ik aisā hī din thā vo chehra jab maiñ ne utārā āñkhoñ meñ

isī miTTī se hasab aur nasab thā apnā
kyuuñ hue shahar meñ āvāra bahut mat pūchho

shahr-e-dil sulgā to aahoñ kā dhuāñ chhāne lagā
shabnamī āñchal magar yādoñ kā lahrāne lagā

gardish-e-daurāñ mujhe phir ab vahīñ le aa.ī hai
shahr jo merā thā lekin ham-zabāñ miltā na thā

shahr hai ḳhāmosh jaise ho khañDar
dhuup meñ jalte makāñ haiñ aur maiñ