Tags-Shahr

ye kis hasīn ne logoñ ko rok rakkhā hai
tamām shahr ke rastoñ ko rok rakkhā hai

tamām shahr ko raushan na hone deñge kabhī
hamāre sīnoñ kī aagoñ ko rok rakkhā hai

'tanvīr' shahr-e-sañg meñ shīshagarī kī baat
yārān-e-mehrbāñ ko bahut nā-pasand hai

chand logoñ kī farāġhat shahr kā chehra nahīñ
ye haqīqat sab ke chehroñ se ayaañ hone lagī

ḳhauf meñ Duube hue shahr kī qismat hai yahī
muntazir rahtā hai har shaḳhs ki kyā hotā hai

hamāre shahr meñ ab har taraf vahshat barastī hai
so ab jañgal meñ apnā ghar banānā chāhte haiñ ham

ham tire shahr se milte haiñ guzar jaate haiñ
tujh se milne meñ to talvār nikal aatī hai

terī auqāt hī kyā 'mid.hat-ul-aḳhtar' sun le
shahr ke shahr zamīnoñ ke tale dab ga.e haiñ

tū kabhī is shahr se ho kar guzar
rāstoñ ke jaal meñ uljhā huuñ maiñ

chalo bād-e-sabā ko jañgaloñ se DhūñDh kar laa.eñ
fasīl-e-shahr meñ 'az.har' balā kā habs rahtā hai

tujh se nisbat ho koī sañg-e-malāmat kī agar
mujh ko pyārī hai tire shahr meñ rusvā.ī bhī

vo payambar bhī nahīñ hogā ḳhudā shāyad ho
paak dāman to rahā shahr meñ rusvā na huā

kis se kahūñ maiñ hāl-e-dil apnā ki tā sune
is shahr meñ rahā bhī koī dard-mañd hai

un kā ġham hai apnā ġham hai apne parā.e sab kā ġham
shahr-e-vafā meñ phir bhī 'farhat' aur ka.ī ġham-ḳhāne haiñ

zindagānī ke hasīñ shahr meñ aa kar 'jāmī'
zindagānī se kahīñ haath milā.e bhī nahīñ

ghūmne jab bhī tire shahr meñ jaatī hai vafā
bain kartī huī vāpas vo sadā aatī hai

duniyā kī saltanat meñ ḳhudā ke ḳhilāf haiñ
shahr-e-charāġh meñ jo havā ke ḳhilāf haiñ

ġhair ko jā dete ho ghar meñ agar
mere ta.iiñ shahr-badar kījiye

andeshoñ ke shahr meñ rahnā terī merī aadat hai
mahrūmī ke sadme sahnā terī merī aadat hai

ye shahar-o-koh-o-bayābān-o-dasht-o-dariyā the
ab aage ḳhvāb hai ruk jā.iye basar kiije