Tags-Shahr

sañg uThānā to baḌī baat hai ab shahr ke log
aañkh uThā kar bhī nahīñ dekhte dīvāne ko

is qadar aam huī shahr meñ ḳhūñ-pairahnī
nazar aate nahīñ be-dāġh libāde ab to

yahāñ kī āb-o-havā meñ ajab ḳhamoshī hai
tamām shahr kisī dasht par basā hogā

vahī nazāre vahī log chal yahāñ se chaleñ
fasīl-e-shahr ke bāhar to kuchh nayā hogā

har ibādat-gāh se ūñchī haiñ mil kī chimniyāñ
shahr meñ har shaḳhs kā īmān aadhā rah gayā

kanār-e-shahr dukhoñ ki ridā meñ lipTī hoī
sisak rahī hai ujāloñ kī aas shahroñ meñ

kaun guzrā hai mahak ban ke dayār-e-dil se
itnī gul-posh thiiñ kab shahr-e-talab kī galiyāñ

aaj us moḌ pe hai shahr-e-tamannā ābād
tirā dāman nigah-e-shauq ne chūmā thā jahāñ

kyā balā shahar pe TuuTī hai ḳhudā ḳhair kare
yuuñ sar-e-shām koī dasht bhī vīrān na ho

siikh is shahar meñ jiine kā salīqa 'amjad'
koī martā hai mare, aap kā nuqsān na ho

mohabbatoñ kī tasallī bahut zarūrī hai
sitam ke shahr meñ ik yār-e-mehrbāñ dekho

koī anjān na ho shahr-e-mohabbat kā makīñ
kaash har dil kī har ik dil se shanāsā.ī ho

maiñ ne sochā thā is ajnabī shahr meñ zindagī chalte-phirte guzar jā.egī
ye magar kyā ḳhabar thī ta.āqub meñ hai ek nādīda zanjīr-e-hamsā.egī

sabza sā ek shahr pe bikhrā hai chār-sū
pattoñ ke rañg ghul ga.e ThanDī havāoñ meñ

sunā hai us ke jā chukne se saare shahr meñ vo dard phailā hai
jise us ne

ye sāneha hai mire ahd kā ki jab dekhā
koī bhī shahr meñ muḳhlis nazar nahīñ aayā

na ziist kī koī halchal na maut hī kī fuġhāñ
hai kohar kohar sā ik shahr-e-be-haras mujh meñ

ghar meñ huuñ go hunūt-shuda laash kī tarah
phirtī hai ruuh shahr meñ obāsh kī tarah

har roz ḳhushī hai shab-e-ġham se pāmāl
ḳhālī kā hai chāñd ba.ad shahr-e-shavvāl

fareb-e-chashm hai yaaro ki ik haqīqat hai
samāñ jo shahr kā hai shahr ke samāñ kī tarah