Tags-Shahr

shaam se pahle mar chukā thā shahr
kaun darvāza khaTkhaTātā hai

munāfiqat ke shahr meñ sazā.eñ harf ko milīñ
qalam kī raushnā.ī ne siyāh kar diyā mujhe

tamām aks toḌ ke mirā savāl baañT ke
ik aa.ine ke shahr kī sipāh kar diyā mujhe

ek hī manzar shahr pe apne kab se Thahrā hai
kuchh soī kuchh jaagī rāteñ bāteñ karte din

vo kaam shāh-e-shahr se yā shahr se huā
jo kaam bhī huā hai vo achchhā nahīñ huā

sabhī gunāh maiñ hañs kar qubūl kar lūñgā
faqīh-e-shahr kā tujh ko ḳhitāb mil jaa.e

lok lahje kā suhānā-pan suḳhan kī naġhmagī
shahr kī ābādiyoñ ke shor meñ khote rahe

kyuuñ matā-e-dil ke luT jaane kā koī ġham kare
shahr-e-dillī meñ to aise vāqiye hote rahe

fōt-pāth pe bhī sone na diyā tire shahr ke izzat-dāroñ ne
ham kitnī duur se aa.e the ik raat basar karne ke liye

ḳhizāñ kā zahr saare shahr kī rag rag meñ utrā hai
galī-kūchoñ meñ ab to zard chehre dekhne hoñge

raushnī se bharā huā ik shaḳhs
shahr bhar ke diye jalātā hai

aañkh bhar dekh lo ye vīrāna
aaj kal meñ ye shahr hotā hai

ḳhvāb aañsū ehtajājī zindagī
pūchhiye mat shahr-e-kalkatta hai kyā

har āstīñ ke ḳhuun ne qātil batā diye
shahr-e-sitam ko zulm kī tardīd chāhiye

haiñ hichkiyāñ bhī ġham kī aur aaheñ haiñ aañsū bhī
dekho ġharīb-e-shahr ki sab qāfile ga.e

aap apnī sūrat ko ḳhud pe āshkārā kar
shahr kī fasīloñ par aa.ina nahīñ miltā

kyā rañg mire shahr kā gañgā-jamanī hai
dehlī na.ī ujḌī huī dehlī meñ banī hai

qabroñ kā pata hai na mazāroñ kā Thikānā
ye shahr kī ta.amīr hai yā gor-kanī hai

kyā kahte haiñ vo bekas-o-nāchār ki jin ko
is shahr ke basne se ġham-e-be-vatanī hai

musavvirān-e-fanā apne canvas pe kabhī
na koī shahr na koī galī banāte haiñ