Tags-Shahr

pindār qaisarī pe jo zarb ik lagī to phir
kandhoñ pe koī sar na rahā saare shahr meñ

ḳhāmosh ho ga.e haiñ mire saare ham-navā
zinda hai ek merī sadā saare shahr meñ

na.ī na.ī āvāzeñ ubhrīñ 'pāshī' aur phir Duub ga.iiñ
shahr-e-suḳhan meñ lekin ik āvāz purānī baaqī hai

jo aayā shahr-e-adam se jahān-e-hastī meñ
ye vāqi.a hai ki be-iḳhtiyār aayā hai

qatīl-e-shauq-e-nazar hijratoñ kā maarā 'qamar'
tumhāre shahr se bas ashk-bār aayā hai

ik nishānī hai kisī shahr kī barbādī kī
nāravā baat kā yak-laḳht ravā ho jaanā

kis shahr na shohra huā nādānī-e-dil kā
kis par na khulā raaz pareshānī-e-dil kā

zamīñ ke gird bhī paanī zamīñ kī tah meñ bhī
ye shahr jam ke khaḌā hai jo tairtā hī na ho

kahīñ intihā kī malāmateñ kahīñ pattharoñ se aTī chhateñ
tire shahr meñ mire ba.ad ab koī sar-phirā nahīñ aa.egā

lauT aa.e haiñ sahrā se sabhī lauTne vaale
is baar mire shahar meñ achchhā hai ki tum ho

merī nazar meñ dosto jis shahr ke gulzār haiñ
sabza baḌā sarkash hai vaañ aur sard ḳhush-raftār haiñ

shahr ke log jise terī sitam-zā.ī kaheñ
ham bahar-hāl use apnī pazīrā.ī kaheñ

aadmī be-his-o-mas maiñ sūrat-e-mardum giyāh
shahr meñ huuñ maiñ ilāhī yā kisī jañgal meñ huuñ

mujh meñ ik dasht sā qaa.em hai magar chāroñ taraf
shahr kā shahr ravāñ hai ki ḳhudā ḳhair kare

sab ke dukh sukh us ke chehre par likhe paa.e ga.e
aadmī kyā thā hamāre shahr kā aḳhbār thā

chamakte ḳhvāb milte haiñ mahakte pyaar milte haiñ
tumhāre shahr meñ kitne hasīñ āzār milte haiñ

ham to kyā chiiz the is shahr ke hañgāmoñ meñ
ahl-e-dānish kī kahāñ pesh chalī kyā na huā

tum vafā karte raho shahr-e-talab meñ 'maz.har'
karne do us ko ye duniyā jo jafā kartī hai

hamāre shahr ke manzar na dekh pā.eñge
yahāñ ke log to āñkhoñ meñ ḳhvāb rakhte haiñ

jaane kab kis par khul jaa.e shahr-e-fanā kā darvāza
jaane kab kis ko aa ghere apne mar jaane kā ġham