Tags-Shajar

dikhā rahī hai jahāñ dhuup ab asar apnā
bikhertā thā vahīñ saaya ik shajar apnā

ghirā bādal ḳhamoshī se ḳhizāñ-āsār bāġhoñ par
hile ThanDī havāoñ meñ shajar āhista āhista

is shajar kī ek Tahnī parle āñgan meñ bhī hai
apne ham-sā.e se phal kā mas.ala chheḌūñgā maiñ

'munīr' dekh shajar chāñd aur dīvāreñ
havā ḳhizāñ kī hai sar par shab-e-bahār meñ huuñ

ajiib hijr-parastī thī us kī fitrat meñ
shajar ke TūTte patte talāsh kartī thī

mire hālāt ko bas yuuñ samajh lo
parinde par shajar rakkhā huā hai

zabāñ-bandī ke mausam meñ galī-kūchoñ kī mat pūchho
parindoñ ke chahakne se shajar ābād hote haiñ

zard pattoñ ke ThanDe badan apne hāthoñ pe le kar havā ne shajar se kahā
agle mausam meñ tujh par na.e barg-o-bār ā.eñge tab talak sabr kar yā aḳhī

ye bhī achchhā huā tum is āshob se apne sarsabz baazū bachā le ga.e
yuuñ bhī kū-e-ziyāñ meñ lagānā hī thā ham ko apne lahū kā shajar yā aḳhī

makāñ banāte hue chhat bahut zarūrī hai
bachā ke sehn meñ lekin shajar bhī rakhnā hai

koī saaya na shajar yaad aayā
thak ga.e paañv to ghar yaad aayā

us shajar ke saa.e meñ baiThā huuñ maiñ
jis kī shāḳhoñ par koī pattā nahīñ

jhulas ke rah ga.e āñgan meñ dhuup se paude
ki sāya-dār purānā shajar na thā koī

dil kā shajar harā thā to patjhaḌ kā ġham na thā
ujḌā hai dil to kaun bachā.e azaab se

patthar bhī pheñkte koī aatā nahīñ idhar
būḌhe shajar kī tarah jo maiñ be-samar huā

phir us ke ba.ad phaloñ meñ miThās aa.ī nahīñ
shajar ne kaam liyā thā ġhalat-bayānī se

shajar sūkhā to fauran kaT gayā hai
ka.ī hissoñ meñ manzar baT gayā hai

dhuup meñ jalnā hai us ko jo shajar ban ke jiye
us ke saa.e meñ rahe ḳhush ye zamāna saarā

mehnat mirī āñdhī se to mansūb nahīñ thī
rahnā thā koī rabt shajar kā bhī samar se

kal raat jo īñdhan ke liye kaT ke girā hai
chiḌiyoñ ko baḌā pyaar thā us būḌhe shajar se