Tags-Shajar

shajar shajar meñ dasht-o-koh meñ ravāñ-davāñ
hamāre jism kā lahū

hazār baar luTā husn-e-barg-o-bār magar
rag-e-shajar meñ ravāñ mauj-e-rañg-o-bū hī rahī

raat sunsān dasht o dar ḳhāmosh
chāñd taare shajar hajar ḳhāmosh

vo shajar tanhā shajar chaupāl kā
us shajar kā āḳhirī pattā huuñ maiñ

jhuum jhuum uTThe shajar kaliyoñ ne āñkheñ khol diiñ
jānib-e-gulshan koī mast-e-ḳhirām aa hī gayā

khulī fazāoñ meñ saañs lenā abas hai ab to ghuTan hai aisī
ki chāroñ jānib shajar khaḌe haiñ salīb-sūrat tamām likhnā

koī ḳhabar thī us kī parindoñ ke shor meñ
rañg-e-havā meñ shāḳh-o-shajar intizār thā

ḳhayāl hai ḳhāndān ko ittilā.a de duuñ
jo kaT gayā us shajar kā shajara nikālnā hai

vo musāfir hī khulī dhuup kā thā
saa.e phailā ke shajar kyā karte

maiñ jab bhī dhuup ke sahrā meñ jā nikaltā huuñ
vo haath mujh pe duā kā shajar banāte haiñ

ulajh rahī hai na.ī Dor narm hāthoñ se
patañg shāḳh-e-shajar par aḌe hue haiñ kahīñ

ye āb-o-gil ye shajar āsmān ye sūraj
kisī ke aane kā ye ehtimām hai shāyad

umiid hī to dil-shajar kī āḳhirī asaas thī
shagūfa ye bhī ho gayā ḳhizāñ se pā.emāl kyā

kyā hujūm-e-rañg 'aḳhtar' kyā faroġh-e-bu-e-gul
mausamoñ ke zā.iqe būḌhe shajar meñ rah ga.e

khaT baḌha.ī kī dastak par
tanāvar shajar ne

zard aatā hai nazar ḳhauf-e-ḳhizāñ se vo bhī
ek pattā jo sar-e-shāḳh-e-shajar baaqī hai

kaun patthar uThā.e
ye shajar be-samar hai

bajā.e shajar ugte haiñ sirf patthar
maiñ zarḳhez dhartī meñ kyā bo gayā huuñ

ek bālisht nahīñ jis kī chhāñv
tum ne us ko bhī shajar jaanā hai

chale jo dhuup meñ manzil thī un kī
hameñ to khā gayā saaya shajar kā