Tags-Shajar

kuchh aisī aag lagī hai mire gulistāñ meñ
yahāñ shajar koī be-barg-o-bār bhī to nahīñ

kuchh sifat us meñ parindoñ aur pattoñ kī bhī thī
kitnī shādābī thī aur kaisā shajar paiġhām thā

shajar se mil ke jo rone lagā thā
parinda Daar se bichhḌā huā thā

havā aa.ī hai kis duniyā se ho kar
har ik Tahnī shajar kī kāñptī hai

us ko sāyoñ ke ta.āqub meñ likhā thā rahnā
dard āñgan meñ ghanā ek shajar chāhtā thā

shajar ko kaaT kar maiñ ḳhuub royā
maiñ apnā ghar banānā chāhtā huuñ

ab is ke phūlne-phalne meñ din hī kitne haiñ
jaḌeñ jamā to chukā hai shajar añdhere kā

lagī hai tiis baras se hamāre ḳhuuñ kī jhaḌī
magar abhī shajar-e-dār surḳh-rū bhī nahīñ

raah kī dhuup se mafar hī nahīñ
ham jahāñ haiñ vahāñ shajar hī nahīñ

samar girā ke bhī āñdhī kī ḳhū nahīñ badlī
yahī nahīñ ki jaḌoñ se shajar nikal jaa.e

nahīf-o-zār haiñ kyā zor bāġhbāñ se chale
jahāñ biThā diyā bas rah ga.e shajar kī tarah

kabhī bijliyāñ raunaq-e-gulistāñ thiiñ
shajar aaj be-āshiyāñ dekhtā huuñ

shajar-e-ummīd bhī jal gayā vo vafā kī shāḳh bhī jal ga.ī
mire dil kā naqsha badal gayā mirī sub.h raat meñ Dhal ga.ī

dasht meñ jis tarah shajar tanhā
kaT gayā us tarah safar tanhā

zaḳhmoñ se yuuñ hai jism kī dīvār zau-fagan
sho.aloñ kā raqs shāḳh-e-shajar par ho jis tarah

taufīq-e-sair-e-bāġh agar ho to ab kī shaam
dil kī jagah shajar pe parinde banā.eñ ham

shajar kā aks thā āb-e-ravāñ thā aur maiñ bhī thā
samar shāḳh-e-burīda kā tar-o-tāza nazar aayā

zamāne vaale to kahte raheñge kahne do in ko
hamesha maare haiñ patthar nazar jo bhī shajar aayā

maiñ jis se kaT ke judā ho gayā tanāvar thā
hai us ke naam raqam sāya-e-shajar karnā

havā parinde ke qad jitnī
shajar siyāh hariyāle ain