Tags-Shama

kahīñ visāl kī sūrat agar dikhā.ī dī
nikal paḌūñgā na sham-e-sahar uThā kar maiñ

lab pe aatii hai du.aa ban ke tamannaa merii
zindagii sham.a kii suurat ho KHudaayaa merii!

zindagii ho mirii parvaane kii suurat yaa-rab
ilm kii sham.a se ho mujh ko mohabbat yaa-rab

vahī barq-e-tajallī sham.a hai mere shabistāñ kī
na lā saktī thī jis kī taab shāḳh-e-āshiyāñ pahle

ḳhāmosh is tarah se na jal kar dhuāñ uThā
ai sham.a kuchh to bol kabhī to zabāñ uThā

parvāne ko phūñkā hai to ai sham.a samajh le
terā bhī kaleja kabhī ThanDā na rahegā

ḳhūbī suuñ tujh huzūr o shama dam-zanī meñ hai
us be-hayā kī charb-zabānī kuuñ dekh tuuñ

raushnī hijr meñ aziyyat thī
jab bhī sham.a jalī bujhā dī hai

qarīb o duur koī shola-e-navā bhī nahīñ
ye kin andheroñ meñ hāthoñ se sham.a-dān girā

bujh ga.ī sham-e-nazar jab to vo chehra chamkā
dil jo Duubā hai to ab chāñd sā niklā kyā hai

sham.a ke vāste thī jumbish-e-dāman kaafī
un ke dāman se lagī bād-e-sabā bhī aa.ī

ek lagī ke do haiñ asar aur donoñ hasb-e-marātib haiñ
lau jo lagā.e sham.a khaḌī hai raqs meñ hai parvāna bhī

avval-e-shab vo bazm kī raunaq sham.a bhī thī parvāna bhī
raat ke āḳhir hote hote ḳhatm thā ye afsāna bhī

husn o ishq kī laag meñ aksar chheḌ udhar se hotī hai
sham.a kā sho.ala jab lahrāyā uḌ ke chalā parvāna bhī

yuuñ nihāñ dāġh-e-jigar aah se rakhtā huuñ ki juuñ
baad se sham.a chhupāve koī dāmāñ ke tale

mohalle se to sab aa.e the sham-e-ārzū le kar
hukūmat kā thā shāyad paañv bhārī vo nahīñ aa.ī

der tak zard āñdhī sī chaltī rahī saañs bujhtī rahī sham.a jaltī rahī
jaañ pighaltī rahī raat Dhaltī rahī maiñ na rūThā magar vo manātā rahā

ab bhī sharh-e-soz-e-dil kartī hai parvāne kī ḳhaak
sun rahī hai sham.a ḳhāmoshī se afsānā hanūz

ba-rañg-e-sham.a kyuuñ yāqūb kī āñkheñ nahīñ raushan
zamāne meñ sunā yūsuf kā pairāhan thā fānūsī

us sham.a-rū pe dil se tasadduq hai balki 'ishq'
parvāna-vār jaan se har-dam nisār hai