Tags-Shama

yahī bahut the mujhe naan o aab o sham.a o gul
safar-nazhād thā asbāb muḳhtasar rakkhā

ḳhāk-e-parvāna ho shāyad zabt-e-kāmil kā javāb
sham.a ho saktī hai kab mere bujhe dil kā javāb

hai soz-e-dil hī rāz-e-zindagānī
hayāt-e-sham.a hai sirf us kī lau meñ

maiñ kab se huuñ aas lagā.e hue ik sham-e-umīd jalā.e hue
koī lamha sakūñ kā mile to sahī mirā chain gayā mirī niiñd ga.ī

pur-nūr sar-zamīn pe aa kar bhulā diyā
kis ne lahū se sham.a jalā.ī mire liye

raushnī jab se mujhe chhoḌ ga.ī
sham.a rotī hai sirhāne mere

raat jaltī rahī thī vo sham.a
dard jis kā bayāñ nahīñ hotā

niklā karo ye sham.a liye ghar se bhī bāhar
kamre meñ sajāne ko musībat nahīñ miltī

'uzlat' gayā āñkhoñ se is vāste jī us kā
hai sham.a kī chashm-e-tar turbat-gāh-e-parvāna

kahāñ tārīkiyoñ meñ kho ga.e ho
hamāre haath par sham.a jalā ke

mire māh-e-munavvar tere aage
charāġh-e-dair kyā sham-e-haram kyā

sau darīche haiñ magar sham.a kisī par bhī nahīñ
chāñd nikle mirī rātoñ kā muqaddar bhī nahīñ

kyā fā.eda hai qissa-e-rizvān se tujhe
koī sham.a-rū parī sate tū bhī lagan lagā

zindagī hamesha jab tīrgī kī zad meñ ho
sham.a ik jalāne meñ umr biit jaatī hai

dil-soz kab hue haiñ ki jab ḳhaak ho gayā
turbat pe merī sham.a jalā.ī tamām shab

duniyā pe musallat hai auhām kī tārīkī
ham haiñ ki jalā.e haiñ ik sham-e-yaqīñ tanhā

phir vahīñ gir paḌe hai parvāna
gar Tuk ik sham.a-dāñ se uThtā hai

ban gayā jehl ke baḌhne kā sabab ai 'ishrat'
yak-ba-yak ilm kī sham.a kā farozāñ honā

sham-e-hasrat jalā ga.e aañsū
raunaq-e-dil baḌhā ga.e aañsū

hameñ to sham.a ke donoñ sire jalāne haiñ
ġhazal bhī kahnī hai shab ko basar bhī karnā hai