Tags-Sharab

gulābī āñkhoñ meñ aise bhañvar the mastī ke
sharāb Duub ke un meñ bahut halāl lagī

do lab aqiiq guhar pañkhuḌī sharāb-e-kuhan
lazīz naram mulā.em sharīr bhīgī kalī

siyāh zulf ghaTā jaal jaadū jañg jalāl
fusūñ shabāb shikāran sharāb raat ghanī

kisī kī madh-bharī āñkhoñ ke aage kuchh bhī nahīñ
thakan sharāb davā ġham ḳhumār nīm-shabī

kisī kā zulf ko lahrā ke chalnā uf tauba
sharāb-e-nāb azal ke nashe meñ mast parī

jis kī mehnat kā araq tayyār kartā hai sharāb
uḌ ke jis kā rañg bin jaatā hai jāñ-parvar gulāb

bārish hī ko ulaT ke banā do na tum sharāb
tum ko zarā mazāq-e-adab-parvarī nahīñ

pī sharāb-e-nām-e-rindāñ tā asar suuñ kaif ke
zikr-e-allāh-allāh hove gar kahe tū raam raam

kyā sāqī-o-muġhannī kyā jaam kyā surāhī
ġhair-e-ḳhudā nako kah gar hai sharāb dan meñ

jaam meñ aate hī uḌ jaatī hai shā.er kī sharāb
TuuT jaatā hai kināre aate aate ye hubāb

mast rahtā hai magar ab bhī dil-e-ḳhāna-ḳharāb
shaam ko baiTh ke mahfil meñ luñDhātā huuñ sharāb

kyuuñ chashm-e-mast ho ga.e jām-e-sharāb aaj
kyā ho gayā jo aañkh tumhārī badal ga.ī

rañg-e-vafā uḌā dil-e-saḳht-e-raqīb se
botal meñ ye sharāb na Thahrī ubal ga.ī

ḳhum to hai sāqiyā sharāb nahīñ
āsmāñ hai aur āftāb nahīñ

mai-kada bhī bahisht hai lekin
muft miltī yahāñ sharāb nahīñ

milā na jām-e-sharāb 'sāqī' koī qadah bañg kā atā ho
hamāre pīr-e-muġhāñ ḳhizar haiñ subū meñ sabzī bhī to chhanī hai

mirī sharāb kī kyā qadr tujh ko ai vaa.iz
jise maiñ pī ke duā duuñ vo jannatī ho jaa.e

tirī nazar sabab-e-tishnagī na ban jaa.e
kahīñ sharāb mirī zindagī na ban jaa.e

sharāb-e-shauq kahīñ mujh ko kar na de mad.hosh
tirī tarī se utar jaa.e ye ḳhumār baras