Tags-Sharab

mai-e-tuhūr kā is vaqt le na naam ai shaiḳh
ye vaqt-e-shām to añgūr kī sharāb kā hai

sharāb apnī jagah chāñdnī hai apnī jagah
magar javāb hī kyā husn-e-be-naqāb kā hai

shabāb-e-dard mirī zindagī kī sub.h sahī
piyūñ sharāb yahāñ tak ki shaam ho jaa.e

rindān-e-lucknow ke liye tohfa-e-'umīd'
saaqī sharāb-e-ulfat-e-ahbāb le gayā

inād-o-nfrat kā zahr koī basāratoñ meñ kabhī na ghole
hamesha āñkhoñ ke mai-kade meñ mohabbatoñ kī sharāb rakhnā

ḳhirqa rehn-e-sharāb kartā huuñ
dil-e-zāhid kabāb kartā huuñ

mahrūm ne rah jaanā kotāhi-e-himmat se
hone ko hai ai 'vāsif' ye bazm-e-sharāb āḳhir

yahāñ to buuñd buuñd ko nazar taras taras ga.ī
mileñ agar bahisht meñ sharāb-o-añgbīñ to kyā

ye mai-kashī kā sabaq hai na.e nisāb ke saath
ki ḳhūn-e-dil hameñ piinā hai ab sharāb ke saath

mai-kashī meñ rakhte haiñ ham mashrab-e-durd-e-sharāb
jām-e-mai chaltā jahāñ dekhā vahāñ par jam ga.e

saaqī sharāb hai to ġhanīmat hai ab kī ab
phir bazm hogī jab to samajh liijo jab kī jab

dil-o-nigāh pe kyuuñ chhā rahā hai ai saaqī
ye terī aañkh kā nashsha sharāb se pahle

kyā daur hai ki marham-e-zañgār kī jagah
ab chāra-gar sharāb chhiḌakte haiñ ghaav par

bātoñ meñ hai us kī zahr thoḌā
thoḌā sā mazā sharāb jaisā

dil se mastoñ ke koī pūchhe bayāñ
zāhidoñ ko sharāb-e-nāb hai talḳh

na faqat yaar bin sharāb hai talḳh
aish o ārām o ḳhurd o ḳhvāb hai talḳh

mar.ūb ho ga.e haiñ vilāyat se shaiḳh-jī
ab sirf man.a karte haiñ desī sharāb ko

mirī samt aur bhī sāqiyā vo jo buuñd buuñd meñ zahar thā
jise aur koī na pī sakā vo sharāb mere hī muñh lagī

ga.e the hazrat-e-zāhid to zard thā chehra
sharāb-ḳhāne se nikle to surḳh-rū nikle

samjhā nahīñ ki jiite haiñ murde isī tarah
chhiḌke vagarna kyuuñ vo mirī ḳhaak par sharāb