Tags-Sharab

khāte haiñ añgūr piite haiñ sharāb
bas yahī mastoñ kā āb-o-dāna hai

abr aatā hai to biktī hai sharāb
naqd-e-rahmat hāsil-e-mai-ḳhāna hai

āb-e-ḳhanjar kyā sharāb-e-nāb thī
raqs-e-bismil laġhzish-e-mastāna hai

dekhā hai kis nigāh se tū ne sitam-zarīf
mahsūs ho rahā hai maiñ ġharq-e-sharāb huuñ

mai-ḳhāne tak jaane kā phir hosh bhalā kis ko rahtā
jis mastī meñ saath mire is shahr-e-sharāb tak aayā vo

ye rañg dekh kar aayā mujhe ḳhayāl-e-namāz
mirī namāz ki hai shāhid-o-sharāb-o-surūd

saaqī firāq-e-jānāñ halq apne kā hai darbāñ
utre gale se phir yaañ qirt-e-sharāb kyuuñ kar

tumhārī yaad nikaltī nahīñ mire dil se
nasha chhalaktā nahīñ hai sharāb se bāhar

maiñ sharāb piitā to kis tarah mujhe tere hukm kā paas thā
magar aaj saaqī ne jab diye mujhe vāste tire naam ke

zulmatoñ se na Dar ki raste meñ
raushnī hai sharāb-ḳhāne kī

chhalke tirī āñkhoñ se sharāb aur ziyāda
mahkeñ tire aariz ke gulāb aur ziyāda

jannat meñ pūchhte hue 'jāved' ham chale
dūkān kis taraf hai sharāb-e-tahūr kī

yuuñ to hai surḳh yaar kā chehrā
par piye jab sharāb aur hī hai

yahāñ libās kī qīmat hai aadmī kī nahīñ
mujhe gilās baḌe de sharāb kam kar de

kisī tarah to ghaTe dil kī be-qarārī bhī
chalo vo chashm nahīñ kam se kam sharāb to ho

asīr-e-ārzū hujūm-e-be-amāñ
sharāb roz-o-shab kī ātish-ravāñ meñ

tez ho dast-e-sitam de bhī sharāb ai saaqī
teġh gardan pe sahī jaam sipar hai ki nahīñ

be-ḳhudī chhā.ī huī hai ye sharāb-e-aish kī
mast do bāhar paḌe haiñ chaar qiasar-bāġh meñ

sharāb pī bhī to pī chashm-e-mast saaqī se
magar chaḌhā.e piyā pe ġham-e-hayāt ke jaam

fareb khā ke un āñkhoñ kā kab talak ai dil
sharāb-e-ḳhām piyeñ raqs-e-nā-tamām kareñ