Tags-Sharab

lab-e-ḳhūbāñ kahāñ vo la.al kahāñ
hai bahut sharbat aur sharāb meñ farq

bahār-e-gul meñ piyāla lagā liyā muñh se
sharāb piine ko maiñ istiḳhāra kyā kartā

sharāb-e-ḳhuld kī ḳhātir dahan hai rakhtā saaf
vazū meñ varna ye zāhid ġharāra kyā kartā

ḳhum-e-sharāb se mujh mast ne na muñh pherā
kanār-e-āb se pyāsā kināra kyā kartā

sharāb pī ke baḌe tajarbe hue haiñ hameñ
sharīf logoñ ko ham mashvara nahīñ deñge

sar-chashma-e-baqā se hargiz na aab laao
hazrat ḳhizar kahīñ se jā kar sharāb laao

kuchh aisī tauba-shikan har ik baat us but-e-lā-javāb kī hai
hai gesuoñ meñ ghaTā kā aalam nazar meñ mastī sharāb kī hai

ham haiñ qaht-e-sharāb se bīmār
kis maraz kī hai tū davā vaa.iz

fazā meñ khol diye haiñ ghaTāoñ ne gesū
nahīñ hai jaam na ho shīsha-e-sharāb uThā

baḌe maze se maiñ pī rahā huuñ mirī taraf tum abhī na dekho
mujhe ye Dar hai nazar tumhārī sharāb ko be-asar na kar de

shikast-e-zarf se kho.eñ na ham bharam apnā
sharāb pī ke na bahke kabhī qadam apnā

use sharāb-e-tuhūrā kā tazkira bhī gunāh
ye baat aur hai sab ko nashe meñ rakhtī hai

zarā sī pī ke bahakne kī hai sazā shāyad
jo sirf aañkh chhalaktī hai ab sharāb kahāñ

ulfat-e-sāqī-e-mahvash ke tasavvur meñ sharāb
aaj sāġhar meñ parī ban ke utar aa.ī hai

vo ham-kanār hai jām-e-sharāb haath meñ hai
baġhal meñ chāñd hai aur āftāb haath meñ hai

mirī sharāb kī tauba pe jā na ai vaa.iz
nashe kī baat nahīñ e'tibār ke qābil

na riñd ko lutf-e-mai-kashī hai na zāhidoñ ko namāz kī dhun
azaab badlā savāb badlā sharāb badlī ḳhumār badlā

aur jaam TūTeñge is sharāb-ḳhāne meñ
mausamoñ ke aane meñ mausamoñ ke jaane meñ

saaqī mujhe sharāb kī tohmat nahīñ pasand
mujh ko tirī nigāh kā ilzām chāhiye

masjid se mai-kade meñ mujhe nashsha le gayā
mauj-e-sharāb jaada thī rāh-e-savāb kā