Tags-Sharab

sharāb ḳhum se diye jā nasha tabassum se
kabhī nazar se kabhī jaam se pilā.e jā

bhalī sharāb hai ye vasl naam hai us kā
bas ek jaam piyā jis se hijr ḳhatm huā

tauba 'hafīz' mai kā paḌ jaa.e jis ko chaskā
phir us se marte dam tak chhūTe sharāb shāyad

barsāt kī kamī se kyā qadr ghaT ga.ī hai
aisī kabhī bikī ho arzāñ sharāb shāyad

āñkheñ chaḌhī huī haiñ bāteñ haiñ bahkī bahkī
aa.e ho tum kahīñ se pī kar sharāb shāyad

yaaro saaqī aur sharāb-o-sabza maujūd aaj hai
'āfrīdī' hai kabāb-e-dil pe jā shābāsh kī

maiñ to piitā huuñ faqat gulnār hoñToñ kī sharāb
sabbeh-ism-e-rabbekal-ālā rahe vird-e-zabāñ

tūr-e-dil ḳharāb banā par bigaḌ gayā
go shīsha-e-sharāb banā par bigaḌ gayā

tirī be-ruḳhī kī nigāh thī ki jo har ḳhatā se barī rahī
mirī aarzū kī sharāb thī ki jo jaam jaam bharī rahī

mailā hai farsh par to mah-e-āj mai-kasho
laao sharāb chāñdnī dhone ke vāste

jis musalle pe chhiḌkiye na sharāb
apne aa.iin meñ vo paak nahīñ

mire surūr se andāza-e-sharāb na kar
mirā surūr ba-andāza-e-sharāb nahīñ

nashe meñ huuñ magar ālūda-e-sharāb nahīñ
ḳharāb huuñ magar itnā bhī maiñ ḳharāb nahīñ

ajiib vaqt hai zāhid ko bhī 'zahīr' ab to
sharāb lagtā hai mere gilās kā paanī

vahīñ maiñ ne ārzūoñ ke hasīñ diye jalā.e
ki jahāñ sharāb pī kar mujhe āñdhiyoñ ne gherā

kabhī kabhī to phuul kī ḳhushbū bhī kar detī hai zukām
kabhī kabhī to sharāb bhī hotī hai jīvan kā vardān

Dhaltī jaatī hai nigāhoñ ke piyāloñ meñ sharāb
jab bhī do jismoñ kā hotā hai milan raat Dhale

mizāj-e-naġhma-o-sher-o-sharāb paidā kar
hayāt-e-ishq meñ kuchh āb-o-tāb paidā kar

firāq meñ ḳhūn-e-dil haiñ piite sharāb ham le ke kyā kareñge
hamārā dil aap bhun rahā hai kabāb ham le ke kyā kareñge

zindagī chauñk chauñk uTThī hai
zikr sun kar sharāb-ḳhāne kā