Tags-Sharab

saaqī qadah-e-sharāb de de
mahtāb meñ āftāb de de

kise ḳhabar ki ahl-e-ġham sukūn kī talāsh meñ
sharāb kī taraf ga.e sharāb ke liye nahīñ

is havā meñ rahm kar saaqī ki be-jām-e-sharāb
dekh kar chhātī bharī aatī hai bārāñ kī taraf

ghultī ga.ī badan meñ tamāzat sharāb kī
sāġhar nigāh kā thā labālab bharā huā

burā hī kyā hai baratnā purānī rasmoñ kā
kabhī sharāb kā piinā bhī kyā halāl na thā

zāhid sharāb piine se kāfir huā maiñ kyuuñ
kyā DeḌh chullū paanī meñ īmān bah gayā

dil mirā pī ke mohabbat kī sharāb
nashsha meñ bhañg rahā kartā hai

baiThī huī hai aaj vo bāloñ kī vig utaar kar
goyā sharāb pheñk kar mez pe jaam rakh diyā

abhī gunāh kā mausam hai aa shabāb meñ aa
nasha utarne se pahle mirī sharāb meñ aa

are 'inshā' ab jo ye daur hai tirī vaz.a in dinoñ aur hai
ye bhī koī ziist kā taur hai na sharāb hai na kabāb hai

araq-e-bahār-e-sharāb hai vo hī aaj chhiḌkeñge aap par
na to bed-e-mushk hai is ghaḌī na to kevḌā na gulāb hai

Tuk ik ai nasīm sambhāl le ki bahār mast-e-sharāb hai
vo jo husn-e-ālam-e-nashsha hai use ab kī ain-shabāb hai

mast ho kar maiñ piyūñ jām-e-sharāb-e-hastī
hama-tan bāda-e-ishrat ke nashe meñ jhūmūñ

nahīñ hai yaad mujhe naam haañ magar āñkheñ
sharāb bhuul chukā yaad haiñ pyāle mujhe

kudūrat taaki rah jaa.e sab apne dāman-e-tar meñ
sharāb-e-shauq ham piine ke pahle chhān lete haiñ

nigāh-e-nāz meñ mastī bhī hai taqaddus bhī
sharāb-ḳhāne kā mandir se rābta niklā

hijr meñ kaif-e-iztirāb na pūchh
ḳhūn-e-dil bhī sharāb honā thā

kisī tarah bhī ye vīrāniyāñ hoñ ḳhatm mirī
sharāb-ḳhāne ke andar kī hāv-hū jā.ūñ

chāñd sī peshāniyoñ par zarfishāñ lahroñ kā jaal
ahmarīñ uḌtā huā rañg-e-sharāb

nairañgiyāñ falak kī jabhī haiñ ki hoñ baham
kaalī ghaTā safed pyāle sharāb-e-surḳh