Tags-Sharab

ḳhaak meñ haif ye sharāb mile
mohtasib bāda-ḳhvār honā thā

taḌapte dil ko na le iztirāb letā jā
paTak de sāġhar-e-ḳhālī sharāb letā jā

tire ḳhayāl se hai masti-e-nazar merī
tirī nigāh se maiñ ne sharāb chhānī hai

maiñ shaad huuñ to zamāne meñ shādmānī hai
sharāb laao ki aalam tamām faanī hai

tafrīq rahne dījiyo tārīf-o-tanz meñ
ab ke sharāb zahr milā kar na dījiyo

jo kabhī sharāb-e-nashāt hai to hai zahr-e-ġham kabhī jaam meñ
hai ye zindagī koī zindagī abhī jī uThe abhī mar ga.e

ishāra hai saaf ai 'qalaq' ye ki aao sahbā-kashī ho bāham
jo us ne bhejī hai apnī jhūTī sharāb aadhī kabāb aadhā

jo sāqiyā tū ne pī ke ham ko diyā hai jām-e-sharāb aadhā
tū apne dāñtoñ se kaaT kar de hamāre muñh meñ kabāb aadhā

dil ko mahv-e-ġham-e-dildār kiye baiThe haiñ
riñd bante haiñ magar zahr piye baiThe haiñ

dam-ba-dam dil ke nazar suuñ pī ke darsan kā sharāb
ai 'alīmullāh' jahāñ ke makr aur fan bhuul jā

shu.ūr maazī ke karb-o-balā meñ uljhā rahā
sharāb ham bhī purānī talāsh karte rahe

achchhī pī lī ḳharāb pī lī
jaisī paa.ī sharāb pī lī

āftāb ab nahīñ nikalne kā
daur aayā sharāb Dhalne kā

qāfila jaatā hai sāġhar kī taraf rindoñ kā
hai magar qulqul-e-mīnā jaras-e-jām-e-sharāb

vo mai-parast huuñ ki na paa.ī agar sharāb
kī ḳhūn-e-dil se kār-ravā.ī tamām raat

roz-e-mahshar bhī hosh gar aayā
jā.eñge ham sharāb-ḳhāne ko

chaTaḳh rahe haiñ diloñ ke sāġhar magar ye farmān-e-chāragar hai
na koī chashm-e-pur-āb chhalke na koī jām-e-sharāb TuuTe

muddat ke ba.ad aaj maiñ office nahīñ gayā
ḳhud apne saath baiTh ke din bhar sharāb pī

ho kabhī to sharāb-e-vasl nasīb
piye jā.ūñ maiñ ḳhuun hī kab tak

kisī kī chashm-e-surūr aavar se ashk aariz pe Dhal rahā hai
agar shu.ūr-e-nazar hai dekho sharāb aadhī gulāb aadhā