Tags-Sharab

yahāñ to tark-e-sharāb se ḳhud dil-o-jigar phuñk rahe haiñ vaa.iz
sunā ke dozaḳh kā zikr-e-nāhaq jale ko tū bhī jalā rahā hai

yā alī hashr meñ do 'chandā' ko
āb-e-kausar kī ḳhush-gavār sharāb

un ko āñkheñ dikhā de Tuk saaqī
chāhte haiñ jo baar baar sharāb

rakh karam par tire nazar mujrim
nosh karte haiñ be-shumār sharāb

qatl par kis ke aaj hotī hai
tausan-e-husn par savār sharāb

saaqī hai garche be-shumār sharāb
nahīñ ḳhush-tar sivā.e yaar sharāb

chalo aaj ek aur koshish hogī
phir ek shaam Duub jā.egī sharāb meñ

kis kī āñkhoñ meñ ye ġhaltāñ hai javānī kī sharāb
khol dī aah ye kis ne mai-e-gul-gūñ kī sabīl

sarsoñ jo phūlī dīda-e-jām-e-sharāb meñ
bint-ul-anab se karne lagā shoḳhiyāñ basant

agar kaif-e-suḳhan merā nihāl-e-tāk ko pahuñche
surāhī shāḳh ban jaave sharāb añgūr se Tapke

jahāñ meñ ab koī sūrat pa.e-savāb nahīñ
vo mai-kade nahīñ saaqī nahīñ sharāb nahīñ

hamāre haath meñ kab sāġhar-e-sharāb nahīñ
hamāre qadmoñ pe kis roz māhtāb nahīñ

zarā Thahar ki abhī ḳhuun meñ samā.ī nahīñ
mire qarīb badan kī sharāb rahne de

maiñ rāhgīroñ kī himmat bañdhāne vaalā huuñ
mire vajūd meñ shāmil sharāb rahne de

vaqt kī mauj tund-rau aa.ī thī sū-e-mai-kada
merī sharāb pheñk kar mere ayāġh le ga.ī

saaqī sharāb de ki election hai āj-kal
barseñge vote jis meñ vo sāvan hai āj-kal

sambhāl sāqiyā miinā ko apne hāthoñ meñ
hayāt ke liye koī sharāb hai ki nahīñ

chalo sharāb piyeñ baiTh kar kināre aaj
ki hove rashk se maahī kabāb dariyā meñ

kabhū jo ālam-e-mastī meñ tum ne kī thī nigāh
bajā.e aab bahe hai sharāb dariyā meñ

vaa.iz na tum piyo na kisī ko pilā sako
kyā baat hai tumhārī sharāb-e-tuhūr kī