Tags-Sharab

ye paimāna sharāb-e-tez se bharne nahīñ detī
koī shai zindagī meñ hai vahī marne nahīñ detī

kirshn aa.e ki diiñ bhar bhar ke vahdat ke ḳhumistāñ se
sharāb-e-ma.arifat kā rūh-parvar jaam hindū ko

harām hai jo kahīñ lutf pī ke aayā ho
harām jab se huī hai sharāb ka.abe meñ

vahī baat jo vo na kah sake mire sher-o-naġhma meñ aa ga.ī
vahī lab na maiñ jinheñ chhū sakā qadah-e-sharāb meñ Dhal ga.e

bātoñ meñ hai us kī zahr thoḌā
thoḌā sā mazā sharāb jaisā

terī sharāb-pāsh-nigāhoñ ke faiz se
ab be-piye hī mujh ko surūr-o-ḳhumār hai

sharāb dāna-e-añgūr se barābar khīñch
par ek kuuza kashīd-e-ḳhayāl kar ke bhī

ye ek umr purānī sharāb hai yaaro
ḳhumār-e-hijr rahegā visāl kar ke bhī

maiñ aur zauq-e-bāda-kashī le ga.iiñ mujhe
ye kam-nigāhiyāñ tirī bazm-e-sharāb meñ

bhare makāñ kā bhī apnā nasha hai kyā jaane
sharāb-ḳhāne meñ rāteñ guzārne vaalā

jab diyā tum ne raqīboñ ko diyā jām-e-sharāb
bhuul kar bhī mirī jānib ko ishārā na kiyā

ġhairoñ se mil chale tum mast-e-sharāb ho kar
ġhairat se rah ga.e ham yaksū kabāb ho kar

'fayyāz' tū nayā hai na pī baat maan le
kaḌvī bahut sharāb hai paanī milā ke pī

tabāh kar diyā ahde-javāñ kī bātoñ ne
shabāb is ke liye thā sharāb mere liye

lucknow shā.erī sharāb junūñ
rishte sau tarah ke nikalte haiñ

mast-e-jām-e-sharāb honā thā
be-ḳhud-e-iztirāb honā thā

mast-e-jām-e-sharāb ḳhaak hote
ġharq-e-jām-e-sharāb honā thā

tirī mohabbat kī vādiyoñ meñ mirī javānī se duur kyā hai
jo saada paanī ko ik nashīlī nazar meñ rañgīñ sharāb kar de

urūs-e-fitrat kā ek khoyā huā tabassum hai jis ko 'aḳhtar'
kahīñ vo chāhe sharāb kar de kahīñ vo chāhe shabāb kar de

maiñ jān-o-dil se tasavvur-e-husn-e-dost kī mastiyoñ ke qurbāñ
jo ik nazar meñ kisī ke be-kaif āñsuoñ ko sharāb kar de