Tags-Sharab

aalam yahī rahā to nigāhoñ kā zikr kyā
niyyat bhī Duub jā.egī jām-e-sharāb meñ

shīshe meñ hai sharāb to shīsha sharāb meñ
ya.anī hai āftāb had-e-āftāb meñ

mutrib bhī hai sharāb bhī abr-e-bahār bhī
shīrāz ban gayā hai shabistān-e-lucknow

saaqī sharāb-e-ashk hai yaañ jām-e-chashm meñ
ehsān uThā.eñ kyuuñ mai o sāġhar ke vāste

badal ga.ī hai nigāh-e-sāqī to rañg-e-mahfil badal gayā hai
na ab vo pahlī sī mai-kashī hai na vo mazā ab sharāb meñ hai

ghūñT dar ghūñT pī to ye jaanā
ek kaḌvī sharāb jaisī thī

shabāb-e-dard mirī zindagī kī sub.h sahī
piyūñ sharāb yahāñ tak ki shaam ho jaa.e

is rupahlī sharāb-e-nūrīñ se
kaash maiñ jām-e-sher bhar saktā!

bhar rahā huuñ kis sharāb-e-dard se jām-e-ġhazal
ruuh meñ kuchle hue jazbāt kī ik nahr hai

mil ke 'shañkar' se aaj us ne kahā
tujh ko mast-e-sharāb honā thā

pilā de ok se saaqī jo ham se nafrat hai
piyāla gar nahīñ detā na de sharāb to de

yaar aur āshiq-o-sāqī-o-sharāb-o-sabza
dekhtā hai koī yak jaa.e pe kam chāroñ ek

lā surāhī ki karūñ vahm-o-gumāñ ġharq-e-sharāb
is se pahle ki maiñ ḳhud vahm-o-gumāñ ho jā.ūñ

kyā sharāb-e-nāb ne pastī se paayā hai uruuj
sar chaḌhī hai halq se nīche utar jaane ke ba.ad

ye sar-ba-mohr botaleñ haiñ jo sharāb kī
rāteñ haiñ un meñ band hamārī shabāb kī

milā ke qatra-e-shabnam meñ rañg o nik.hat-e-gul
koī sharāb banāo bahār ke din haiñ

be-abr riñd piite nahīñ vā.izo sharāb
karte haiñ ye gunāh bhī rahmat ke zor par

un ko āñkheñ dikhā de Tuk saaqī
chāhte haiñ jo baar baar sharāb

sharāb-e-husn ko kuchh aur hī tāsīr detā hai
javānī ke numū se be-ḳhabar honā laḌakpan meñ

sharāb-e-aish pilātā thā charḳh-e-mīnā.ī
qubūl karte the is dar pe sab jabīñ-sā.ī