Tags-Sharab

uThā Daale saare hijābāt maiñ ne
sharāb-e-mohabbat se maḳhmūr ho kar

har bun-e-mū se chhalakne lagī yādoñ kī sharāb
aur gulnār huā terā badan āḳhir-e-shab

kāfir ho phir jo shar.a kā kuchh bhī kare ḳhayāl
jab jaam bhar ke haath se yaar apne de sharāb

shab ki mutrib thā sharāb-e-nāb thī paimāna thā
vo parī-vash kyā na thā goyā ki jo kuchh thā na thā

nāliyoñ meñ gir rahe haiñ log pī pī kar sharāb
mulk meñ shāyad nahīñ un ke liye koī azaab

kal sub.h tak thiiñ aap kī āñkheñ jhukī huiiñ
sach kahiye kis ke haath se pī thī sharāb-e-shab

jis nazar meñ sharāb sā hai nasha
us nazar kā ḳhumār chāhtā huuñ

'mazāq' miltī hai in rozoñ vaqt-e-shām sharāb
rakhe hai duḳhtar-e-raz ko siyām shīshe meñ

ḳhayāl dil meñ hai saaqī kī chashm-e-mai-gūñ kā
sharāb jaam meñ hai aur jaam shīshe meñ

jo duuñ sharāb ko āb-e-hayāt se tashbīh
to utreñ ḳhizr alaihis-salām shīshe meñ

amal señ mai-parastoñ ke tujhe kyā kaam ai vaa.iz
sharāb-e-shauq kā tū ne piyā niiñ jaam ai vaa.iz

chalo ki ḳhaak uḌā.eñ chalo sharāb piyeñ
kisī kā hijr manāyā nahīñ bahut din se

saaqī atā ho ab mujhe sāġhar sharāb kā
chhā.ī huī hai kaisī ghaTā āsmān par

marte marte bhī sharāb us kī na ho paa.ī thī kam
jaam ko taktā rahā jab tak rahā ā.ankhoñ meñ dam

jahāñ na bhaTTī na mai-kada hai ajab tarah kā magar samāñ hai
ḳhum-e-falak meñ ye kyā bharā hai sharāb-e-sāfī Tapak rahī hai

chaman meñ bulbul yahī pukārī lo mai-kashoñ kī phir aa.ī baarī
zabāñ pe shīshe ke hai ye jaarī sharāb lo yaañ Dhalak rahī hai

vahāñ mujhe shauq-e-dil tū le jā jahāñ na sāġhar na ho.e miinā
ba-rañg-e-sāqī har ek baiThā sharāb-e-ḳhālis Tapak rahī hai

āshiq hai jo tumhāre ruḳh-e-surḳh-rañg kā
rahtā hai us ko nashsha sharāb-e-farañg kā

talḳhī-e-ġham kā jo hai mukammal javāb lā
ya.anī sharāb lā mire saaqī sharāb lā

huā hai aag kā sho.ala sharāb pyāle meñ
lagā hai jaan labāñ kuuñ mire dahan tujh bin