Tags-Sher

hassās banā Daalā mujhe had se ziyāda
aur is pe mohabbat ne diyā sher kā fan bhī

sher-e-'sirāj' az-bas aalam meñ haiñ zabāñzad
dīvān kī zamīñ hai dīvān-e-ām goyā

darūn-e-halqa-e-gañg-o-jaman hai sher kī duniyā
ye dillī lucknow bhī kuchh nahīñ is paar haiñ donoñ

mus.haf-e-ruḳh kā jo dekhā koī sher
rūh-e-'hāfiz' ko bhī qur.āñ baḳhshā

vahī merā dard ravāñ-davāñ vahī terā husn javāñ javāñ
kabhī 'mīr'-o-'dard' ke bait paḌh kabhī sher 'dāġh'-o-'jigar' ke dekh

tan-e-barahna ho jaise libās kā muhtāj
huā hai sher bhī marhūn isti.āroñ kā

kabhī dil bhī nahīñ ik zaḳhm āñkhoñ kī jagah aañsū
kabhī maiñ bhī na thā bas Diary meñ sher likkhā thā

sher duniyā ke tū kuchh der ko gūñgā ho jā
muuñd kar aañkh zarā der to so le koī

ik yahī dard to milā hai hameñ
sher-o-naġhma kī jaan haiñ ham log

sher banānā mirā ḳhud ko banānā bhī hai
ye jo hai alfāz meñ merā zamāna bhī hai

tumhāre naam kā bhī zikr ho na jaa.e kahīñ
ġhazal ke sher sunāne kī zid nahīñ karte

ye bazm-e-sh.er-o-adab kab kisī kī hai mīrās
jo nasl gūñgī ho ham jā.eza nahīñ deñge

hazār sher kahe yuuñ to kahne vāloñ ne
kisī kisī ne dil-e-mubtalā se bāteñ kiiñ

na kar 'mahrūm' tū fikr-e-suḳhan ab fikr-e-uqbā kar
navā-parvāz bazm-e-sher meñ āzād hotā hai

shu.ūr-e-sher ne vo aañkh khol dī dil meñ
ki ab to ham pas-e-imkān bhī nazāra kareñ

mire sher anmol la.al-o-gohar haiñ
luTā.e tire ġham ne kyā kyā ḳhazāne

jussa-e-tahayyur ko lafz meñ jakaḌte haiñ
sher ham nahīñ kahte titliyāñ pakaḌte haiñ

sher terā ajab 'alīmullāh'
sho.ala-e-ishq ko chatātā hai

jis ke ik ek misre meñ rahtā thā us kā zikr
'ājiz' vo sher aur the vo qāfiye the aur

ye ḳhosha-chīni-e-ḳhvān-e-anīs hai 'arshad'
namak namat jo mire sher meñ fasāhat hai