Collections

Lab Shayari

Motivational Ghazals

Best Khamoshi Shayari

More Collections

Tags-Sher

us kī ḳhvāhish pe na.e sher barābar kahnā
aur phir sun ke unheñ us kā mukarrar kahnā

uski KHwahish pe nae sher barabar kahna

vo gāliyāñ bhī agar de to sher-o-naġhma lage
zabāñ meñ loch ajab sur gale meñ rakhtī hai

har ek shaKHs ko ek tantane mein rakhti hai

ai 'tasavvur' na yaad aayā kabhī
sher jo hasb-e-hāl merā thā

KHamushi se sawal mera tha

ḳhūn-e-dil-o-jigar se hai husn-e-ḳhayāl husn-e-fan
is ke baġhair sher kyā majmūa kyā kitāb kyā

anjum pe jo guzar gai us ka bhala hisab kya

tumheñ qalam ko lahū meñ Dubonā aatā hai
'hazīñ' zarūr tumhī sher ko nikhāroge

hazin tum apni kabhi waza bhi sanwaroge

laa.eq kuchh nālā.eq bachche hote haiñ
sher kahāñ saare hī achchhe hote haiñ

laeq kuchh nalaeq bachche hote hain

hunar-varī ko na sho.ala na raakh daaġh banā
jo dil meñ lau hai use sher meñ charāġh banā

hunar-wari ko na shoala na rakh dagh bana

aur kuchh bhī nahīñ jab ai 'sadā' tum se hotā
sher likh likh ke zamāne ko sunāte jaao

rasm-e-duniya to kisi taur nibhate jao

vo sher-e-naġhz kyuuñ na ho juzv-e-rag-e-hayāt
kuchh fikr kā rachāv bhī jis meñ ho fan ke saath

kaif-e-ada bhi hai nigah-e-pur-fitan ke sath

maiñ sher gaa.e detā huuñ gaane meñ kuchh nahīñ
shohrat mile to haath nachāne meñ kuchh nahīñ

gane mein kuchh nahin

sher meñ saath ravānī ke ma.ānī bhī to bhar
ai 'sadā' qaid tū kuuze meñ samundar kar de

sher mein sath rawani ke maani bhi to bhar

hazāroñ rañg duniyā ke sameTe sher meñ apne
kabhī jab gulshan-e-dil se uḌī titlī ġhazal kah dī

tumhaari yaad jab dil se mere lipTi ghazal kah di

ki yaad rakh tū hai sheroñ meñ aib rabt-e-kalām
vo sher hoñ ki na hargiz suḳhan suḳhan se mile

ilahi jaise hum us sham-e-anjuman se mile

kal se masrūf-e-ḳhairiyat maiñ huuñ
sher taaza koī huā hī nahīñ

tere jaisa koi mila hi nahin

sher sunā aur bhūkā mar
is ḳhidmat ko jaarī rakh

nazar mein har dushwari rakh

tā na phir shā.ir likheñ tausīf-e-bālā-e-butāñ
misra.a-e-mauzūn-o-sher-e-intiḳhābī tū pahuñch

ai dil aata hai chaman mein wo sharabi tu pahunch

ek bhī sher guhar ban ke na chamkā 'afzal'
kitne dariyā-e-ḳhayālāt khañgāle ham ne

kar diya KHud ko samundar ke hawale humne

hamāre sher agar jazboñ ko ḳhushbū de nahīñ sakte
to phir to sher kahnā vaqt ko barbād karnā hai

mohabbat ko riya ki qaid se aazad karna hai

mere ilhām-e-suḳhan meñ faiz hai sīmāb kā
'zeb' bazm-e-sher meñ mumtāz honā chāhiye

is ada se ishq ka aaghaz hona chahiye

ab bhī kuchh log sunāte haiñ sunā.e hue sher
bāteñ ab bhī tirī zehnoñ meñ basī lagtī haiñ

ab bhi kuchh log sunate hain sunae hue sher