Tags-Sher

zabāñ jis ko har ik bole usī kā naam hai urdu
zabān-e-sher meñ fitrat kā ik in.aam hai urdu

pahuñch buland-maqāmāt-e-sher-o-naġhma tak
adab meñ ek dil-āvez baab paidā kar

mizāj-e-naġhma-o-sher-o-sharāb paidā kar
hayāt-e-ishq meñ kuchh āb-o-tāb paidā kar

diary par aañkh se Tapkā hai kuchh
maiñ ne koī sher to likkhā nahīñ

nahīñ pasand mujhe sher-o-shā.erī karnā
kabhī-kabhār bas uThtī hai ek hū mujh meñ

dil-dukhoñ ko sabhī satāte haiñ
sher kyā giit kyā fasāna kyā

'naqqāsh' vahī lā hai mire sher-o-suḳhan meñ
anjām shahādat hai maiñ sachchā huuñ burā huuñ

jazbāt kaise nazm karūñ apne sher meñ
kab se isī ḳhayāl meñ Duubī huī huuñ maiñ

kiyā thā jī kā ziyāñ ham ne ik ġhazal bhar ko
hazār sher kahe ho sakī na bharpā.ī

un ke kahne se kabhī yuuñ kah liye do-chār sher
rāt-din fikr-e-suḳhan meñ koī dīvāna rahe

ham ne āshob ke aalam meñ kahī hai ye ġhazal
so ye ḳhvāhish hai ki har sher gul-e-tar ho jaa.e

aañkh jab uThe bhar aa.e sher ab kahā na jaa.e
kaise bhuul jaa.e vo bhūlne kī baat ko

sher-goī se kahīñ mas.ale hal hote haiñ
jānte ham bhī haiñ in bātoñ meñ rakkhā kyā hai

akelā-pan pe ka.ī sher kah diye maiñ ne
ye aur baat mire aas paas tum bhī the

soch lenā thā tujhe itnā ki kyā hogā 'nadīm'
aaj kā sher agar tere sajan tak pahuñche

umr kamtar hī se koshish thī musalsal jaarī
sher apnā bhī koī tarz-e-suḳhan tak pahuñche

mujh ko ta.alīm se fursat hī kahāñ ai 'shabbīr'
kah liyā sher koī jab kabhī fursat dekhī

kyā kyā sher kiye haiñ tum ne naqsh ġhazal kī sūrat meñ
ham tum ko 'naqqāsh' kaheñge tum shā.ir kahlāo to kyā

'mīr'-o-'ġhālib' se baḌhe to hazrat-e-iqbāl tak
shaġhl sher-o-shā.erī kā jāvedāñ bantā gayā

jhūTī ḳhabreñ ghaḌne vaale jhūTe sher sunāne vaale
logo sabr ki apne kiye kī jald sazā haiñ paane vaale