Tags-Sher

ye qaht-e-sher paḌā ho na qaht-e-ġham ke sabab
charāġh itnā hī jaltā hai jitnā īñdhan ho

sharāb-o-sher-o-naġhma ke sivā kyā chāhiye 'faizī'
balā se zindagī jaa.e matā-e-rā.egāñ ho kar

'amabar'-jī tum sher to kah lete ho lekin
har ik misra TūTā-phūTā kyuuñ lagtā hai

maiñ shāhzādī huuñ alfāz ke riyāsat kī
ḳhazāna sher-o-suḳhan kā kabhī na hogā kam

salīqa mujh ko jo aa jaa.e sher kahne kā
ki ġhazal-e-'mīr' se naqsh-o-nigār maiñ bhī karūñ

ramz-o-asrār se ḳhālī nahīñ hote mire sher
ye alag baat ki 'shāhid' ko vo shohrat nahīñ hai

sher hī kahiye ki shāyad mile taskīn 'anjum'
yuuñ to ye chāñdnī degī nahīñ jiine shab-bhar

sher 'sā.ib' kā munāsib hai hamārī or se
sāmne us ke paḌhe gar ye koī jā āshnā

maiñ sat.h-e-sher pe ubhrā huuñ āftāb liye
ḳhulūs-e-fikr shu.ūr-e-nazar ke ḳhvāb liye

pilā ai giroh-e-suḳhanvarāñ koī sher-e-tar gul-e-tāza ras
ye bahār meñ bhī ḳhamoshiyāñ na sar-e-junūñ na pa.e havas

har taraf ḳhūn-ḳharāba kiyā logoñ ne bapā
sher taḳhlīq kiye maiñ ne ġhazal jaarī kī

bhuuk taḳhlīq kā talent baḌhā detī hai
peT ḳhālī ho to ham sher nayā kahte haiñ

nazm ko gift rubā.ī ko atā kahte haiñ
sher vo ḳhud nahīñ kahte haiñ chachā kahte haiñ

shoḳhī shabāb husn tabassum hayā ke saath
dil le liyā hai aap ne kis kis adā ke saath

hameñ to harf-e-tamannā zabāñ pe laanā hai
ye sher aur ye ġhazleñ to bas bahānā hai

sher kahtā huuñ salīqe se 'shabāb'
ye bhī ā.īna-garī ho jaise

maiñ bhalā kab thā suḳhan-goī pe maa.il 'ġhālib'
sher ne kī ye tamannā ke bane fan merā

lafz le kar ḳhayāl kī vus.at
sher kī tāzgī kī samt gayā

kis ko fursat thī par is tarah meñ kuchh sher 'vasīm'
kah liye hazrat-e-'naushād' ke farmāne se

na do ai gul-ruḳhāñ taklīf mujh ko sher-ḳhvānī kī
kaho bin fasl-e-gul koī kare dīvāna-pan kyuuñ kar