Tags-Anjam

vo kabhī āġhāz kar sakte nahīñ
ḳhauf lagtā hai jinheñ anjām se

kahte the na ham 'jalīl' tum se
anjām burā hai dil-lagī kā

anjām ye huā hai dil-e-be-qarār kā
thamtā nahīñ hai paañv hamāre ġhubār kā

ai mohabbat tire anjām pe ronā aayā
jaane kyuuñ aaj tire naam pe ronā aayā

phir ye khel-tamāshā saarā kis ke liye aur kyuuñ sāhab
jab is ke anjām meñ chup hai jab is ke āġhāz meñ chup

ek anjām-e-tai-shuda ke liye
phir ḳhizāñ ko bahār kī zid hai

āġhāz-e-mohabbat hai ho ḳhush hazrat-e-dil kyā
achchhā nazar aatā nahīñ anjām tumhārā

darbāñ hai na hai ġhair-e-bad-anjām tumhārā
kaam aa.egā āḳhir yahī nākām tumhārā

āġhāz meñ bhī ham ko hai anjām kā ḳhayāl
dhaḌke shabāb meñ bhī haiñ roz-e-shumār ke

mujhe ma.alūm hai anjām lekin
zamāne se shikāyat kar rahī huuñ

ā.īna-dār-e-mohabbat huuñ ki arbāb-e-vafā
apne ġham ko mire anjām se pahchānte haiñ

ḳhush ho ai dil ki mohabbat to nibhā dī tū ne
log ujaḌ jaate haiñ anjām se pahle pahle

maiñ raftagāñ kī baat pe be-sāḳhta hañsī
anjām is hañsī kā bhī afsurda-tar gayā

ruḳh par kalī ke jab paḌī tharrā ga.ī nazar
dekhā hai har bahār kā anjām kyā kareñ

nāseho ham ko bhī anjām-e-junūñ hai mālūm
us ko samjhāo jo ye sab na samajhtā hotā

'bismil' tum aaj rote ho anjām-e-ishq ko
ham kal samajh ga.e the kuchh āsār dekh kar

lab-basta bastiyoñ kā phir anjām ye huā
sab kā luTā qarār yake-ba.ad-dīgre

sochtā huuñ ki ab anjām-e-safar kyā hogā
log bhī kāñch ke haiñ raah bhī pathrīlī hai

jo chashm-e-anjām-e-bīñ se dekhā bahār do din hai phir ḳhizāñ hai
ma.āl-e-gulshan pe roī shabnam hañse gul-e-tar jo khil-khilā kar

yuuñ to ham ahl-e-nazar haiñ magar anjām ye hai
DhūñDte DhūñDte kho dete haiñ bīnā.ī tak