Tags-Shikwa

'arsh' pahle ye shikāyat thī ḳhafā hotā hai vo
ab ye shikva hai ki vo zālim ḳhafā hotā nahīñ

shikva vo ḳhuub hai jis se ho lagāvaT zāhir
shukr kā jis meñ ho pahlū vo shikāyat achchhī

shikva apne tāle.oñ kī nā-rasā.ī kā karūñ
yā gila ai shoḳh terī bevafā.ī kā karūñ

har dar pe ik baañg lagāveñ bhalā karo bas bhalā karo
ek hī shikva ek hī naala sub.h kiyā aur shaam kiyā

na shikva lab tak aa.egā na naala dil se niklegā
mire zabt-e-mohabbat kā bharam mushkil se niklegā

agar mohabbat ke mudda.ī ho to ye ravayya ravā nahīñ hai
jo shikva hai rū-ba-rū nahīñ hai jo baat hai barmalā nahīñ hai

shikva kiyā ho mere lab-e-zaḳhm ne kabhū
to mujh pe āb-e-teġh ilāhī harām ho

shikva nasīb kā na kare baar baar tū
mushkil hayāt hañs ke hamesha guzār tū

maiñ us se pyaas kā shikva na kar sakā 'afzal'
jo ḳhud hī tishna thā vo mujh ko aab kyā detā

thiiñ jo us meñ hayā kī kuchh bāteñ
shikva merā vo lab pe lā na sake

aa.e aur baiThe na kuchh shikva nahīñ
ye ġhanīmat hai ki baare ho ga.e

bajā.e shikva bhī detā huuñ maiñ duā us ko
mirī zabāñ se karūñ kyā yahī nikaltī hai

lutf hotā to yahī thā ki na hote barbād
ham jo barbād hue to koī shikva bhī nahīñ

ab kisī dard kā shikva na kisī ġham kā gilā
merī hastī ne baḌī der meñ paayā hai mujhe

nayā libās pahanñe kā vaqt hai 'sājid'
shikoh oḌh ke dekh ān-bān oḌh ke dekh

jo ḳhafā hue to hue ajī jo laḌe-bhiḌe to laḌe sahī
gila hai so yār-e-azīz se na ki shikva sūrat-e-ġhair se

ai dil-e-shikva-sanj kyā guzrī
kis liye hoñT rah ga.e sil ke

mahrūmiyoñ kā apnī na shikva ho kyuuñ hameñ
kuchh log pī ke hī nahīñ chhalkā ke aa.e haiñ

shikva mirā mizāj na mātam mirī sarisht
har-chand mujh se ḳhanda-labī chhīn lī ga.ī

na rahe koī bhī shikva mujhe phir tire karam kā
jo atā mujhe ho saaqī to ho ye ḳhayāl kar ke