Tags-Shohrat

daulat shohrat aanī jaanī phir is par itrānā kyā
paanī par ye naam likhā ho aisā bhī ho saktā hai

kho diyā shohrat ne apnī sher-ḳhvānī kā mazā
daad mil jaatī hai 'nātiq' har ratab yābis ke ba.ad

utaar lafzoñ kā ik zaḳhīra ġhazal ko taaza ḳhayāl de de
ḳhud apnī shohrat pe rashk aa.e suḳhan meñ aisā kamāl de de

ye shohrat hai ki rusvā.ī magar had se ziyāda hai
maiñ ḳhud itnā nahīñ saaya mire qad se ziyāda hai

khilā nayā koī gul duur duur pahuñchī bū
na kyuuñ jahāñ meñ ho shohrat ki vo javān hue

ye daulat rutba shohrat aur ye īmān miTTī hai
lagāyā haath tab jaanā falak be-jān miTTī hai

adū kā harf-e-malāmat banā mirī shohrat
usī ne ḳhaak ke zarre ko āftāb kiyā

numūd-o-nām ne kis ko kahāñ par kab sukūñ baḳhshā
miyāñ is ke liye shohrat kā saudā chhoḌ denā thā

bas merā zikr aate hī mahfil ujaḌ ga.ī
shaitāñ ke ba.ad dūsrī shohrat milī mujhe

paas us ke paisa bangle gāḌiyāñ shohrat bhī hai
'ashk' jī vo shaḳhs phir bhī ḳhāndānī kyuuñ nahīñ

havā kī lahr hai ab jis tarah bhī shohrat de
junūñ purānā na āshufta-sar purāne haiñ

ziyāñ yahī hai ki kuchh aur sūjhtā hī nahīñ
bas ek dhyān meñ rahte haiñ log shohrat meñ

phūloñ kī taḳhtī par jaise rañgoñ kī tahrīr
lauh-e-suḳhan par aise 'amjad' shohrat rahtī hai

azmat kī mustahkam choTī shāyad us ko raas na aa.ī
har chaukhaT ko chhūne niklī shohrat kī rañgīlī dhuup

un kī nākāmiyoñ ko bhī giniye
jin kī shohrat hai kāmyāboñ meñ

sach pūchho to badnām hue naam kī ḳhātir
shohrat se ziyāda mirī rusvā.ī huī hai

hamārī fikr abhī qaid hai zavāhir meñ
ham apne kaam se shohrat kashīd karte haiñ

burī ho ga.ī shohrat-e-kū-e-jānāñ
koī ḳhāna-vīrāñ huā chāhtā hai

na ho sabza-rañgoñ meñ kyuuñ un kī shohrat
mire qatl par zahr khaa.e hue haiñ

ishq mujh ko nahīñ vahshat hī sahī
merī vahshat tirī shohrat hī sahī