Tags-Shohrat

khulī na mujh pe bhī dīvāngī mirī barsoñ
mire junūn kī shohrat tire bayāñ se huī

gumnām the to sab kī taraf dekhte the ham
shohrat milī to apnī ḳhudī meñ simaT ga.e

'qadr' kyā islāh-e-'ġhālib' se mirī shohrat huī
vo masal hai baaḌh kaaTe naam ho talvār kā

pesha to ek hī thā us kā hamārā lekin
majnūñ ke tāle.oñ ne shohrat meñ yāvarī kī

duur tak shohrat hai us kī tuur kahte haiñ jise
be-charāġh ik jalva-gah hai mere vīrāne ke ba.ad

muntaḳhab kar ke varaq dil pe likhe haiñ ahbāb
garche zāhir meñ mire sher kī shohrat niiñ hai

numūd itnī kahāñ thī shā.erī meñ merī ai 'ġhāfil'
meñ is shohrat ko faiz-e-sohbat-e-'goyā' samajhtā huuñ

baḌh ga.ī 'ḳhurshīd' jab shohrat mirī
dostoñ ke ġhair tevar ho ga.e

daulat shohrat hikmat vaale sab haiñ tere dam ke saath
duniyā terī saarī raunaq chhoḌ ke baiThe ham hī the

ishq kī mere jo shohrat ho ga.ī
yaar se mujh ko nadāmat ho ga.ī

sūrat-e-sailāb mazmūñ kā asar baḌhtā gayā
'nūh'-e-tūfānī kī ġhazleñ ḳhuub shohrat pā ga.iiñ

us ke dil kī aag ThanDī paḌ ga.ī
mujh ko shohrat mil ga.ī ilzām se

nigāheñ taaḌ letī haiñ mohabbat kī adāoñ ko
chhupāne se zamāne bhar kī shohrat aur hotī hai

ahl-e-vafā ne mujh ko jaanā ahl-e-jafā ne bhī pahchānā
ye hai izzat ye hai shohrat kis kī badaulat dil kī badaulat

kabhī mulk-e-halab meñ huuñ kabhī shahr-e-ḳhutan meñ huuñ
nahīñ rahtā tirī shohrat kī sūrat ek sū ho kar

ye shahar jis meñ naam kamānā muhāl thā
ham guftugū-e-shahr the shohrat isī meñ thī

tere is ehsān se merī ġhairat kā dam ghuTtā hai
mere in pairoñ se apnī shohrat kī zanjīr nikāl

chand bad-zeb se shohrat-zada insāñ aksar
apnī daulat o saḳhāvat kī numā.ish ke liye

naam baḳhshā hai tujhe kis ke vufūr-e-ġham ne
gar koī thā to tire mujrim-e-shohrat ham the