Tags-Shokhi

kaliyāñ khilā rahī thī shoḳhī nasīm-āsā
jab tanz ban ga.ī hai talvār ho ga.ī hai

bikhrī zulfeñ uljhī bāteñ aañkh meñ shoḳhī lab pe tabassum
khaltī kaliyāñ jhūmtī Daalī hashr sarāpā kyā nahīñ dekhā

na bāñdho sher meñ duzd-e-hinā kā ai 'qalaq' mazmūñ
kahegā yaar shoḳhī se ye hai mazmūn chorī kā

kisī kāfir kī shoḳhī ne kahlavā.ī ġhazal mujh se
khulegā 'shāz' ab rañg-e-suḳhan āhista āhista

burqe meñ ho ki parda-e-chādar meñ ḳhūb-rū
pahchānte haiñ vaz.a se shoḳhī se chhab se ham

teġh-e-ajal suuñ kis kā salāmat rahā hai jiiv
shoḳhī siiñ jab nigāh kareñ qatl-e-ām jaan

tamām phuul mahakne lage haiñ khil khil kar
chaman meñ shoḳhi-e-bād-e-sabā ko chhūte hī

paanī se sag-gazīda Dare jis tarah 'asad'
Dartā huuñ aa.ine se ki mardum-gazīda huuñ

ek shoḳhī-bharī doshīza-e-billor-jamāl
jis ke hoñToñ pe hai kaliyoñ ke tabassum kā nikhār

surḳhī meñ nahīñ dast-e-hinā-basta bhī kuchh kam
par shoḳhi-e-ḳhūn-e-shohdā mere liye hai

shoḳhī se Thahartī nahīñ qātil kī nazar aaj
ye barq-e-balā dekhiye girtī hai kidhar aaj

jhāñk kar rauzan-e-dar se mujh ko
kyā vo shoḳhī se hayā karte haiñ

shoḳhī-e-jalva us kī taskīn kyūñke baḳhshe
ā.īnoñ meñ diloñ ke jo hai bhī phir nahīñ bhī

banā kar til ruḳh-e-raushan par do shoḳhī se se kahte haiñ
ye kājal ham ne yaarā hai charāġh-e-māh-e-tābāñ par

maujoñ ko pata kyā hai samundar ko ḳhabar kyā
kis abr kī shoḳhī hai sadaf meñ jo guhar hai

paanī se sag-gazīda Dare jis tarah 'asad'
Dartā huuñ aa.ine se ki mardum-gazīda huuñ

uryāñ tanī kī shoḳhī se dīvāngī meñ 'mīr'
majnūñ ke dasht-e-ḳhār kā dāmāñ bhī chal gayā