Tags-Shokhi

umañD aate the jab ashk-e-mohabbat us kī palkoñ tak
Tapaktī thī dar-o-dīvār se shoḳhī tabassum kī

hinā tere kaf-e-pā ko na us shoḳhī se sahlātī
ye āñkheñ kyuuñ lahū rotīñ unhoñ kī niind kyuuñ jaatī

shoḳhī se kisī tarah se chain us ko nahīñ hai
aatā hai magar aa ke tavaqquf nahīñ kartā

shoḳhī meñ sharārat meñ matānat meñ hayā meñ
jo raaz kā aalam thā vahī raaz kā aalam

junūn-e-shauq kā aalam hama mastī sahī lekin
ye aalam bhī javāb-e-shoḳhi-e-paiġhām kyā hogā

dekh us chashm-e-mast kī shoḳhī
jab kisī pārsā se laḌtī hai

nikaltī hai tapish meñ bismiloñ kī barq kī shoḳhī
ġharaz ab tak ḳhayāl-e-garmī-e-raftār qātil hai

shoḳhī-o-bazla-sanjī doshīzgī vahī hai
ma.asūmiyat ga.ī bas ehsās-e-āgahī se

pūchhā jo maiñ ne yaar se anjām-e-soz-e-ishq
shoḳhī se ik charāġh ko us ne bujhā diyā

donoñ ne baḌhā.ī raunaq-e-husn
shoḳhī ne kabhī kabhī hayā ne

udhar paas chilman ke maujūd the vo idhar the pareshān un ke fidā.ī
rahā sharm-o-shoḳhī kā dilkash tamāshā na jalva dikhāyā na sūrat chhupā.ī

duhā.iyāñ haiñ shab-e-vasl apnī shoḳhī se
ki luuTe lete haiñ joban hasīn pā ke mujhe

maiñ apne ḳhuun kā beḌā uThā.ūñ ḳhud kyūñkar
vo paan dete haiñ shoḳhī se muskurā ke mujhe

vo kahte haiñ shoḳhī se ham dilrubā haiñ
hameñ dil navāzī kī aadat nahīñ hai

dikhlā ke vo to le bhī gayā shoḳhi-e-ḳhirām
ab tak haiñ raqs meñ dar o dīvār dekhiye

mere fikr-o-fan kī azmat āḳhirash
shoḳhi-e-tahrīr ho kar rah ga.ī

shoḳhī kisī meñ hai na sharārat hai ab 'obaid'
bachche hamāre daur ke sanjīda ho ga.e

andāz meñ shoḳhī meñ sharārat meñ hayā meñ
vaañ ek na ik baat nikaltī hī rahegī