Tags-Shokhi

shoḳhī ne terī lutf na rakkhā hijāb meñ
jalve ne tere aag lagā.ī naqāb meñ

gardan hai jhukī nazreñ nīchī aur lab pe hai un ke tabassum bhī
hai qābil-e-dīd vo shoḳhī bhī jis vaqt ki vo sharmāte haiñ

na laa.ī shoḳhi-e-andesha tāb-e-rañj-e-naumīdī
kaf-e-afsos milnā ahd-e-tajdīd-e-tamannā hai

us ke liye to khel thā shoḳhī thī yā mazāq thā
maiñ ne hī sab mo.āmla andoh-nāk kar liyā

gardan muḌī nigāh laḌī baat kuchh na kī
shoḳhī to ḳhair aap kī tamkīñ balā kī hai

shoḳhī-mizāj us ke se ab tak ga.ī nahīñ
vaise hī bāñkpan haiñ vahī ġhola-dañgiyāñ

shoḳhī mazmūn kī le uḌī hai
aalam hai sher meñ parī kā

kamāl-e-dilbarī meñ kaun sī terī adā kam hai
na shoḳhī kam hayā se hai na shoḳhī se hayā kam hai

miltā nahīñ patā tire chhalle ke chor kā
ai gul-badan ye shoḳhī-e-duzd-e-hinā na ho

tamām phuul mahakne lage haiñ khil khil kar
chaman meñ shoḳhi-e-bād-e-sabā ko chhūte hī

vo zard-posh jis kā ki gun gāvte haiñ ham
shoḳhī niiñ us kī naach nachā.ī basant rut

un kī shoḳhī to hai bahār-e-chaman
sādgī mahv-e-ḳhvāb jaisī hai

ḳhayāl is kā ham-āġhosh-e-nazar hai saat pardoñ meñ
ajab shoḳhī siiñ pesh aayā hai ye shoḳh un afīfoñ siiñ

shoḳhī jo barq kī hai garmī sharār kī hai
kuchh kah rahā hai muusā andāz-e-guftugū kā

dostoñ ko to rokūñ shoḳhī se
saarī ḳhilqat ko kyā kare koī

phir kisī ke sāmne chashm-e-tamannā jhuk ga.ī
shauq kī shoḳhī meñ rañg-e-ehtarām aa hī gayā

yā qahr hai vo shoḳhī yā parda hai nazar kā
dil meñ to us kā ghar ho aur aañkh se nihāñ ho