Tags-Subah

qahr kaisā sub.h-dam bād-e-bahārī kar ga.ī
phuul barsānā the dil par sho.ala-bārī kar ga.ī

sar-bar-āvurda sanobar kī ghanī shāḳhoñ meñ
sub.h kī nuqra.ī tanvīr rachī jaatī hai

ḳhvāb ko sub.h kī dahlīz pe le aa.ī huuñ
aañkh kholī hai nazāre nahīñ badle maiñ ne

terā chehra sub.h kā taarā lagtā hai
sub.h kā taarā kitnā pyārā lagtā hai

kahīñ rañg-o-nūr-e-jamāl hai kahīñ bīm-o-fikr-e-ma.āl hai
kahīñ shaam ġhairat-e-sub.h hai kahīñ din bhī raat se kam nahīñ

bāvajūd-e-fishār-e-shab hama-shab
husn har sub.h taaza hotā hai

ye tīrgī-e-shab hī kuchh sub.h-tarāz aatī
ḳhud vāda-e-fardā kī chhātī bhī dhaḌak jaatī

ye roz shaam se hai sub.h tak ḳhud-ārā.ī
ki shab ko ā.īna bhī apne ghar nahīñ aatā

hai dam-e-sub.h vo ḳhumārīñ aañkh
ek TuuTā tilism jaadū kā

ye jo sub.h ke biich dīvār-e-shab sī uThī lagtī hai
hai aks-e-tahayyur kī ye dāstāñ aur sunī lagtī hai

har dar pe ik baañg lagāveñ bhalā karo bas bhalā karo
ek hī shikva ek hī naala sub.h kiyā aur shaam kiyā

sitāroñ ke jilau meñ aur kitnī duur tak le jaa.eñ
kaho to sub.h hone tak bhalā kitnī masāfat hai

qalb o nazar kī zindagī dasht meñ sub.h kā samāñ
chashma-e-āftāb se nuur kī naddiyāñ ravāñ!

jamāl-e-sub.h diyā rū-e-nau-bahār diyā
mirī nigāh bhī detā ḳhudā hasīnoñ ko

batā de ai nasīm-e-sub.h shāyad mar gayā majnūñ
ye kis ke phuul uThte haiñ jo gul fariyād karte haiñ

junūn-e-rah-ravī-e-vaqt kī raftār se pūchho
koī manzil nahīñ lekin ye sub.h o shaam chaltā hai

kahtā hai kaun hijr mujhe sub.h o shaam ho
par vasl meñ bhī lutf nahīñ jo mudām ho

jab koī aañsū mizha par aa ke chamkā shām-e-ġham
maiñ ye samjhā sub.h kā taarā numāyāñ ho gayā

sub.h se raat kī māyūsī bhagāne kā sabab
koī to hotā mire dost magar koī nahīñ

sub.h merī tarah ābād nahīñ
shaam merī tarah dil-gīr nahīñ