Tags-Subah

tishna-lab kahte rahe suntī rahī pyāsī raat
subah tak chaltī rahī durd-e-tah-e-jām kī baat

sub.h TuuT jaatā hai ā.īna tasavvur kā
raat bhar sitāroñ se apnī maañg bharte haiñ

kaun ḳhvāboñ ke jazīre se chalā aayā 'ḳhayāl'
dil meñ ik raushnī hai sub.h-e-daraḳhshāñ kī tarah

maiñ sauñp detā huuñ har raat apne ḳhvāboñ ko
har ek sub.h ko tābīr kartā rahtā huuñ

be-mahal dil ke bujhāne se unheñ kyā mil gayā
jis ko sham-e-sub.h samjhe vo charāġh-e-shām thā

raat baḌh baḌh ke jo sham.a pe hue the sadqe
sub.h tak ḳhaak na dekhī ga.ī parvānoñ kī

hijr kī raat so ga.e the 'adam'
sub.h-e-mahshar ko ḳhvāb meñ dekhā

sub.h-e-safar kī raat thī taare the aur havā
saayā sā ek der talak baam par rahā

raat aur itnī musalsal kisī dīvāne ne
sub.h rokī huī hai chāñd churāyā huā hai

sub.h se chaak bhī ho dāman-e-shab zid hai use
ain mātam meñ saje bazm-e-tarab zid hai use

kis salīqe se vo mujh meñ rāt-bhar rah kar gayā
shaam ko bistar sā kholā sub.h ko tah kar gayā

zamīñ madār pe raqsāñ hai sub.h o shaam mudām
kure ke chaar taraf ik muhāsara sā hai

shāmil hai sarisht-e-insāñ meñ tūl-e-shab-e-ġham kā unsur bhī
ye shām-e-firāq-e-ġham-āgīñ sub.h-e-shab-e-hijrāñ kuchh bhī nahīñ

bām-e-ḳhurshīd se utre ki na utre koī sub.h
ḳhema-e-shab meñ bahut der se kohrām to hai

bas dam-e-sub.h satāo na mujhe
yaad vo zid hai vo apnā sonā

karvaTeñ lete hue raat guzar jaa.e to kyā
sub.h hote hī mohabbat kā tarāna ho jā.ūñ

sub.h ik giit kānoñ meñ kyā paḌ gayā
kaT gayā din vahī gungunāte hue

yuuñ hai ki jab bichhaḌne lageñ dil se dhaḌkaneñ
tab us galī meñ sub.h ke āsār dekhnā

sub.h hotī hai pheñk detā hai
zard mailā thakā thakā sūraj

va.ada to kiyā is se dam-e-sub.h kā lekin
us dam ta.iiñ mujh meñ bhī agar jaan rahegā