Tags-Subah

jis kī āvāz kānoñ meñ sub.h sub.h chiḌiyoñ kī tarah chahaktī thī
jis kī maujūdgī se fazāoñ meñ ḳhushbū sī mahaktī thī

ḳhālī-az-shar ye chaTakne kī sadā hargiz nahīñ
sub.h dam kartā hai apne kuuch kā naqqārā gul

va.ade kī kaun raat qayāmat kā din nahīñ
āsār-e-sub.h kahte haiñ ye raat bhī ga.ī

sub.h hone tak us ne jaan na dī
umr bhar thā ḳhud-iḳhtiyār bahut

har sub.h maiñ ne ḳhud ko ba-mushkil baham kiyā
aa.ī jo ġham kī raat to bikhrā ga.ī mujhe

sub.h hote hī TimTimātī hai
aap kī chashm-e-pur-ḳhumār hai sham.a

shām-e-avadh ne zulf meñ gūñdhe nahīñ haiñ phuul
tere baġhair sub.h-e-banaras udaas hai

shab ko barse the mire dīda-e-tar tham tham kar
sub.h ko dekhiye to ġhair kā ghar hai ki nahīñ

joñ nasīm-e-sub.h ġhunche gul ke sab barbād de
sard-mehrī se butoñ kī haiñ dil-e-rañgīñ ḳharāb

jhāḌā-pochhā thā abhī sub.h ko hī ḳhāna-e-yād
shaam tak aT gayā phir gard-e-farāmoshī se

saarī duniyā meñ ghanī raat kā sannāTā thā
sehn-e-zindāñ meñ mile sub.h ke āsār mujhe

nāmūs-e-sub.h-e-karbalā apnī ridā sambhāl
chal kar abhī to shaam kā darbār aa.egā

sub.h tak dast-e-sabā ne kyā kyā
phuul kāñToñ meñ piro.e hoñge

lo gajar baj gayā
sub.h hone ko hai

tamām-rāt bhaTaktā phirā hai saḌkoñ par
huī hai sub.h abhī shahr muzmahil hogā

ik mushkil saḳht aa paḌī hai
ik sub.h ko shaam kar rahā huuñ

yuuñ dabe paañv aatī terī yaad
jis tarah sub.h dhuup aatī hai

talāsh-e-rizq meñ nikle the mahr-e-sub.h liye
aqab se pahlā sitāra bhī shaam kā niklā

shām-e-visāl hai qarīb sub.h-e-kamāl hai qarīb
phir na raheñge sargirāñ shām-ba-ḳhair shab-ba-ḳhair

aḳhgar-e-ġhuncha āb-jū gard-e-chaman nasīm-e-sub.h
haiñ ye girah-kushā-e-ġham ātish-o-āb o ḳhāk-o-bād