Tags-Subah

fariyād kar rahā huuñ do-vaqtī azaañ nahīñ
taklīf mujh ko detī haiñ sub.h-o-masā namāz

havā-e-sub.h-e-dil-āzār itnī tez na chal
charāġh-e-shām-e-ġharībāñ haiñ ham bujhā na hameñ

raushan thī sub.h tak mire madfan pe sham-e-tūr
royā khaḌe khaḌe mirā qātil tamām raat

'bāqar' tez shuāoñ se sab momī chehre pighal ga.e
sub.h talak pathrīle ġham the aur thā TūTā-phūTā maiñ

chaman chaman jo ye sub.h-e-bahār kī zau hai
tire tabassum-e-rañgīñ kā ek partav hai

kāTne ko ek shab Thahre haiñ tere shahr meñ
kyā batā.eñ sub.h hogī to kidhar jā.eñge ham

maiñ is adā ko na kyuuñ sub.h-e-dā.imī kar luuñ
Thahar ki khīñch luuñ tasvīr muskurāne kī

raat ab harīf-e-sub.h-e-qayāmat hī kyuuñ na ho
jo kuchh bhī ho us aañkh ko ab to jagā diyā

nasīm-e-sub.h kā ġhunchoñ ko intizār sahī
havā-e-dasht huuñ maiñ merā intizār kise

khul rahī hai aañkh ik kāfir hasīñ kī sub.h-dam
mai-kasho muzhda dar-e-mai-ḳhāna vā hone ko hai

nasīm-e-sub.h kī mānind muskurātā chal
guloñ kī tarah zamāna meñ naam paidā kar

palaT ke daur-e-zamāñ sub.h-o-shām paidā kar
na.e tarīq se duniyā meñ naam paidā kar

na tū ne mai chakhī zāhid na jurm-e-ishq kiyā
to sub.h o shaam tujhe fikr kis azaab kā hai

ye kahāñ se mauj-e-tarab uThī ki malāl dil se nikal ga.e
vahī sub.h-o-shām jo the garāñ nafas-e-bahār meñ Dhal ga.e

ye kaise rañg utre haiñ jinheñ dekhā nahīñ jaatā
ye kaisī sub.h phūTī hai jo kaalī hotī jaatī hai

mehrbānī raat kā pahlā pahar hai
sub.h-e-zindāñ kī halākat

tīrgī kī shiddat ko sub.h kā sitārā likh
phailne hī vaalā hai har taraf ujālā likh

shabāb-e-dard mirī zindagī kī sub.h sahī
piyūñ sharāb yahāñ tak ki shaam ho jaa.e

ye khulā jism khule baal ye halke malbūs
tum na.ī sub.h kā āġhāz karoge shāyad

kaho ranjish kā sabab kuchh nahīñ merī hī suno
uzr to chāhiye karnā mujhe taqsīr ke saath