Tags-Subah

ḳhvāb meñ bosa liyā thā raat ba-lab-e-nāzukī
sub.h dam dekhā to us ke hoñTh pe but-ḳhāla thā

sub.h-o-shām filistīñ meñ ḳhuuñ bahtā hai
sāya-e-marg meñ kab se insāñ rahtā hai

surḳh āñchal meñ kasmasā.ī huī
sub.h kī is dulhan kī baat kareñ

mirī navā meñ hai lutf-o-surūr-e-sub.h-e-nashāt
har ek sher hai rindoñ kī shām-e-tar kī tarah

merī sub.h zarā kuchh der se hotī hai
mujhe kisī ko ḳhvāb sunānā hotā hai

ye raat kāTtī rahtī hai sub.h tak mujh ko
na jaane kaise maiñ har raat kaaT detā huuñ

sair hue to hañs lete haiñ bhuuk lagī to rote haiñ
sub.h-e-bahārāñ bhīgī rāteñ chhoTe bachche kyā jāneñ

jalā.e rakkhūñgī sub.h tak maiñ tumhāre rastoñ meñ apnī āñkheñ
magar kahīñ zabt TuuT jaa.e to bārisheñ bhī shumār karnā

aatī hai yaad sub.h-e-masarrat kī baar baar
ḳhurshīd aate aate use kal uThā to lā

zehn-e-musalsal qisse socheñ hoñTh musalsal zikr kareñ
sub.h talak zinda rahnā hai kahīñ kahānī kam na paḌe

sub.h-dam ġhā.eb hue 'anjum' to sābit ho gayā
ḳhanda-e-behūda par toḌe ga.e dandān-e-sub.h

ḳhayāl aatā hai aksar dekh kar ruḳhsār-o-gesū ko
na aisī sub.h hai shāyad na aisī shaam hai shāyad

sāqī-e-ḳhum-ḳhāna thā jo sub.h-o-shām
roz-e-ādīna thā masjid meñ imaam

jā-e-istihzā hai ishrat-koshi-e-hastī 'asad'
sub.h o shabnam fursat-e-nashv-o-numā-e-ḳhanda hai

ḳhabar ye ghol na de machhliyoñ ko paanī meñ
machhere ā.eñge kal sub.h jaal saath liye

sub.h dam ghar se jo TukḌā vo qamar kā niklā
kāñptā sharq se ḳhurshīd-e-sahar kā niklā

vo ḳhat vo chehra vo zulf-e-siyāh to dekho
ki shaam sub.h ke baad aa.e sub.h shaam ke baad

ye mere liye muzda-e-jāñ-fizā hai
mileñge vo ab sub.h-o-shām allāh allāh

is tarah sub.h ko lagātī hai
jaise taaza ḳhabar hai ye duniyā

aaj tak sub.h-e-vatan yaad hai ham ko 'aḳhtar'
dard-e-hijrāñ kī qasam shām-e-ġharībāñ kī qasam