Tags-Subah

raat vo hashr gulistāñ meñ uThā hai yaaro
subah har phuul ne shabnam se sharāre māñge

nahīñ dil ko fikr ye be-sabab gayā din kahāñ huī raat kab
mujhe roz-e-vasl hai ajab abhī sub.h thī abhī shaam hai

na vo mehr-o-māh kī tābisheñ na vo aḳhtaroñ kī numā.isheñ
na vo āsmāñ kī haiñ gardisheñ na vo sub.h hai na vo shaam hai

naam ik but kā lab pe hai vaa.iz
hai yahī vird sub.h o shaam mirā

ek sub.h kā taarā
sar pe āsmāñ oḌhe

ye shaam shām-e-avadh nahīñ hai jise tumhārī siyāh zulfeñ chhupā sakeñgī
ye sub.h sub.h-e-tarab nahīñ hai

sitāre os mire saath sub.h tak ro.e
magar vo shaḳhs to patthar kā jaise turshā thā

jab nashe kī lahr meñ baal us parī ke khul ga.e
sub.h tak phir to chaman meñ kyā hī lahrā.ī hai raat

sub.h ke Dar se aañkh lag na sakī
raat bhar karvaTeñ badalte rahe

jo apne taur se ham ne kabhī guzāre the
vo sub.h o shaam to jaise fasāne ho ga.e haiñ

niiñd bīmār-e-mohabbat ko kahīñ aatī hai
sub.h tā-shām agar bād-e-subuk-gām chale

chaak kī ḳhvāhish agar vahshat ba-uryānī kare
sub.h ke mānind zaḳhm-e-dil garebānī kare

sub.h uThte hī maiñ kuchh dhuup bharuñgā in meñ
ḳhvāb dekheñ haiñ to āñkhoñ kī namī ḳharch huī

sub.h-e-azal kā ruup ki shām-e-abad kā giit
saaya ho dhuup ho ki gumāñ kuchh na kuchh to ho

sub.h tak zulf-e-siyah-rañg kā jaadū thā ajab
raat botal meñ thī jitnī bhī bachī ḳharch huī

sub.h-e-bahār-o-shām-e-ḳhizāñ kuchh na kuchh to ho
be-nām zindagī kā nishāñ kuchh na kuchh to ho

havā
sub.h-dam us kī āhista āhista khultī huī aañkh se

raat kī palkoñ pe tāroñ kī tarah jaagā kiyā
sub.h kī āñkhoñ meñ shabnam kī tarah rotā rahā

sub.h kahtī hai mire saath chalo aage baḌho
mat kaho ziist girāñ-bār huī jaatī hai

ai nigār-e-sub.h terī kār-farmā.ī kī ḳhair
ab rag-o-pai meñ añdhere gholtā koī nahīñ