Tags-Subah

muflis kī javānī eid ke din jab sub.h se aaheñ bhartī hai
duniyā ye amīroñ kī duniyā tab eid kī ḳhushiyāñ kartī hai

īzā.eñ sub.h-e-hijr kī kahne bhī ham na paa.e
vo shaam hī se aaj sidhāre palañg par

shām-e-ġham yaad nahīñ sub.h-e-tarab yaad nahīñ
zindagī guzrī hai kis tarah ye ab yaad nahīñ

mahkegā lafz lafz se shāhid dayār-e-sub.h
le kar mirī ġhazal kā asar jā.egī ye shaam

Thahregī ek lamhe ko ye gardish-e-hayāt
tham jā.egī ye sub.h Thahar jā.egī ye shaam

jab tujhe yaad kar liyā sub.h mahak mahak uThī
jab tirā ġham jagā liyā raat machal machal ga.ī

aarzū thī ye bikhereñ apnī kirneñ sub.h tak
rote rote bujh ga.ī haiñ saarī sham.eñ sub.h tak

āshiyānoñ meñ na jab lauTe parinde to 'sadīd'
duur tak taktī rahīñ shāḳhoñ meñ āñkheñ sub.h tak

zindagī ke rāstoñ meñ jo kahīñ gum ho ga.e
DhūñDtī ab un ko haiñ ḳhvāboñ meñ āñkheñ sub.h tak

din kā sūraj un pe likkhegā anokhe tabsire
ham ne jo tālīf kiiñ dil par kitābeñ sub.h tak

vaqt kī guzrī ibārat kī tilāvat ke liye
raat kī tanhā.iyoñ meñ aao ghūmeñ sub.h tak

shab kī muTThī meñ parindoñ kī tarah vo so ga.iiñ
ho ga.iiñ zinda hathelī par lakīreñ sub.h tak

ab ho mujhe dekhiye kahāñ sub.h
un zulfoñ meñ raat ho ga.ī hai

phuul ke saa.e meñ kāñToñ ko bhī rahne diije
sub.h kī qadr na kī jaa.e agar shaam na ho

kyā chiiz thī bād-e-sub.h-gāhī
rū-e-gul-e-tar nikhar gayā thā

ye ujālā koī sāzish hai ye jugnū hai fareb
sub.h se pahle charāġhoñ ko bujhānā bhī nahīñ

shaam se tā-sub.h-e-furqat sub.h se tā-shām-e-hijr
ham chale kyā kyā na lutf-e-zindagānī dekh kar

shab-e-visāl bhī tā-sub.h mutma.in na rahā
abhī thī raat ki paiġhām-e-ārzū aa.e

shahr jal bujh gayā log mar kab ga.e
sub.h-e-nau kal nayā hādisa dekhiye

sub.h se aa.ina chhūte hue Dar lagtā hai
raat hī ḳhvāb meñ dekhā thā ki maañg afshāñ thī