Tags-Subah

bol ai aḳhtar-e-ġhunūda-e-sub.h
koī rātoñ ko jāgtā to nahīñ

daur-e-hāzir ke suḳhan-sāz haiñ kis ujlat meñ
sub.h dīvān kahā shaam chhapāne nikle

maiñ aaj kī sub.h
ma.amūl se qabl jaagā huuñ

yaar kyā zindagī hai sūraj kī
sub.h se shaam tak jalā karnā

maiñ ne aisā koī hamdard na dekhā na sunā
sub.h ko mujh se vo hāl-e-shab-e-ġham pūchhte haiñ

tulū-e-sub.h-e-azal se maiñ DhūñDhtā thā jise
milā to hai pa mirī samt dekhtā bhī nahīñ

jab raat kī zulmat ghaTtī hai jab sub.h kā nuur ubhartā hai
jab koyal kuukū kartī hai jab panchhī pī pī kartā hai

sitāra-e-sub.h DhūñDte haiñ ġhubār-ālūda mausamoñ meñ
nazar se ojhal to ho gayā hai magar abhī gum-shuda nahīñ hai

kis salīqe se vo mujh meñ rāt-bhar rah kar gayā
shaam ko bistar sā kholā sub.h ko tah kar gayā

sub.h tak ham raat kā zād-e-safar ho jā.eñge
tujh se ham-āġhosh ho kar muntashar ho jā.eñge

phir us akelī bharī dopahar ne jhulsā hai
ki yaad aane lagā sub.h se vo pāgal phir

jo nasīb āzmānā hai to raat kaisī din kyā
kahīñ sub.h kar ke dekho kahīñ shaam kar ke dekho

āzrāna the mirī vahshat-e-dil ke sab rañg
shaam se sub.h talak Dhalte the paikar kyā kyā

sub.h-e-ḳhandāñ ko ma.āl-e-shab-e-hijrāñ samjhe
shab ko tanvīr kā ik aks-e-pareshāñ samjhe

sub.h hone ko hai 'qamar' sāhab
ik badan se nikal rahā hai badan

sub.h aatī hai dabe paañv chalī jaatī hai
gher letā hai mujhe shaam Dhale sannāTā

pur-nūr hai jo aks-e-ruḳh-e-yār se 'nayyar'
us sub.h-e-munavvar kī koī shaam nahīñ hai

barg-e-gul par rakh ga.ī shabnam kā motī bād-e-sub.h
aur chamkātī hai us motī ko sūraj kī kiran

har sub.h tirī chashm-e-fusūñ-sāz kā ġhamza
har shaam tire lab se hañsī phuuT paḌī hai

ufuq par phailtī haiñ surḳhiyāñ jab sub.h-e-tāza kī
koī siina pas-e-chāk-e-garebāñ yaad aatā hai