Tags-Subah

chal paḌī sub.h kī taraf jab maiñ
raah se raat haT ga.ī hogī

ye ḳharābātiyān-e-ḳhirad-bāḳhta
sub.h hote hī sab kaam par jā.eñge

sub.h kī raushan kiran ghar ke darīche par paḌī
ek ruḳh chamkā havā meñ us ke shīshe kī taraf

maiñ sarāpā raat bhī huuñ maiñ sarāpā sub.h bhī
mujh se kam-tar kuchh nahīñ aur mujh se bartar kuchh nahīñ

shaam ko sub.h-e-chaman yaad aa.ī
kis kī ḳhushbu-e-badan yaad aa.ī

āḳhirash sub.h-e-qayāmat kī azaañ aatī hai
aur ham shaam ke lashkar se nikal jaate haiñ

ai sākinān-e-kunj-e-qafas sub.h ko sabā
sunte haiñ jā.egī sū-e-gulzār kuchh kaho

mire badan ke qafas āsmāñ se phir is baar
zavāl-e-sub.h kī surḳhī guzār dī ga.ī hai

sub.h savere nañge paañv ghaas pe chalnā aisā hai
jaise baap kā pahlā bosa qurbat jaise maaoñ kī

ham jañgal ke jogī ham ko ek jagah ārām kahāñ
aaj yahāñ kal aur nagar meñ sub.h kahāñ aur shaam kahāñ

qaid-e-shab-e-hayāt badan meñ guzār ke
uḌ jā.ūñgā maiñ sub.h aziyyat utaar ke

ufuq-e-rūs se phūTī hai na.ī sub.h kī zau
shab kā tārīk jigar chaak huā jaatā hai

ġham-e-zindagī nāla-e-sub.h-gāhī mire shaiḳh sāhab kī vaahī tabāhī
agar un ke hote vajūd-e-ilāhī haqīqat nahīñ hai to phir aur kyā hai

raat pī zamzam pe mai aur sub.h-dam
dho.e dhabbe jāma-e-ehrām ke

itr-āgīñ hai bād-e-sub.h magar
khul gayā pech-e-zulf ḳhushbū kā

ye bhī ik raat kaT hī jā.egī
sub.h-e-fardā kī muntazir hai nigāh

kyā ḳhabar thī sub.h ho jā.egī tere nuur se
shaam se merā charāġh-e-ḳhāna ruḳhsat māñgtā

thā jānib-e-dil sub.h-dam vo ḳhush-ḳhirām aayā huā
aadhā qadam sū-e-gurez aur nīm-gām aayā huā

lazzat-e-sub.h-o-shām bhuul ga.e
dil jo bhun kar kabāb thā na rahā

ye dhuup chhāñv kā khel hai yā ḳhizāñ bahāroñ kī ghaat meñ hai
nasīb sub.h-e-urūj ho to nazar meñ shām-e-zavāl rakhnā