Tags-Subah

shab-zinda-dār log añdheroñ se Dar ga.e
sub.h-e-azal se kaun tab-o-tāb le gayā

tujhe shanāḳht nahīñ hai mire lahū kī kyā
maiñ roz sub.h ke aḳhbār se nikaltā huuñ

sub.h kī dhuup dhundhalkoñ meñ badal jaatī hai
shāḳh-e-iflās pe zartāb samar aane tak

lauT bhī aayā to sadiyoñ kī thakan lā.egā
sub.h kā bhūlā huā shaam ko ghar aane tak

maiñ use sub.h na jānūñ jo tire sañg nahīñ
maiñ use shaam na mānūñ ki jo tere bin hai

rāt-bhar koh-e-nidā se mujhe detā hai sadā
sub.h hote hī bulandī se girātā hai mujhe

ham ko zulmat-panāh mat jaano
ik na.ī sub.h ke rasūl haiñ ham

bujh ga.ī dil kī raushnī raah dhuāñ dhuāñ huī
subah chale kahāñ se the shaam hameñ kahāñ huī

chāñd taare ik diyā aur raat kā komal badan
sub.h-dam bikhre paḌe the chaar sū merī tarah

huī hairat ab jo do-chand yaañ karūñ aur vaj.h maiñ kyā bayāñ
ruḳh-e-yār sub.h ko mahr-sāñ magar aa.ine se do-chār thā

mujhe shab jo nashsha-e-ġham chaḌhā to phirā kiyā maiñ khaḌā khaḌā
rahā ġhash meñ sub.h ko jo paḌā usī kaif kā ye utaar thā

shab-e-hijr ab ye satā.e hai ki ḳhizān-e-marg dikhā.e hai
vo ruḳh ab kahāñ nazar aa.e hai ki jo rashk-e-sub.h-e-bahār thā

shab-e-hijr ke kaheñ kyā alam nazar aa.e sub.h ko bahte yam
ki ba-josh-e-bārish-e-abr-e-ġham pe bañdhā sarishk kā taar thā

har taraf khiltī rahīñ kaliyāñ nasīm-e-sub.h se
apnī qismat meñ sabā kā ek bhī jhoñkā na thā

bahā kar ashk saarī raat goyā
ki sub.h hañs kar milogī jānte haiñ

mai-kade meñ mire saaqī kā nayā hukm ye hai
shaam ko pyaas lage sub.h ko paanī māñge

'qamar' un ko na aanā thā na aa.e sub.h hone tak
shab-e-va.ada sajāte hī rahe ghar raat bhar apnā

pūchhiye hurriyat-pasandoñ se
sub.h-e-nau kī nasīm hai zarra

mujhe kis tarah se na ho yaqīñ ki use ḳhizāñ se gurez hai
jo nasīm-e-sub.h-e-bahār ko mire gulsitāñ se gurez hai

gulshan-e-mashriq meñ manind-e-saba aa.ī hai tū
sub.h-e-raushan kā payām-e-jān-fazā laa.ī hai tū