Tags-Subah

ridā-e-reshmī oḌhe hue guzregī mish.al
nashist-e-sañg pe har sub.h gul-dasta milegā

hai shām-e-avadh gesū-e-dildār kā partav
aur sub.h-e-banaras hai ruḳh-e-yār kā partav

jis din se mile haiñ donoñ kā sab chain gayā ārām gayā
chehroñ se bahār-e-sub.h ga.ī ā.ankhoñ se faroġh-e-shām gayā

sub.h savere thī kirnoñ kī bazm sajī
shaam ko ghar se tanhā ik saaya niklā

sub.h-e-hijrāñ bad-tar-az-shab-hā-e-hijrāñ haa.e haa.e
zindagī ik mustaqil ḳhvāb-e-pareshāñ haa.e haa.e

Tapaknā ashk kā tamhīd hai dīdār kī jaise
tulū-e-mahr se pahle sitāra sub.h-dam nikle

vo ik sūraj sub.h talak mire pahlū meñ
apnī sab nārāzgiyoñ ke saath rahā

tujhe ma.alūm nahīñ,
ab bhī har sub.h darīche meñ se yuuñ jhāñktā huuñ

sham-e-tanhā kī tarah sub.h ke taare jaise
shahr meñ ek hī do hoñge hamāre jaise

tai havā kaise añdheroñ ke samundar kā safar
ġhāza-e-sub.h se kyā chādar-e-shab se pūchho

ai vatan sub.h-e-vatan shām-e-vatan ahl-e-vatan
yaad aatī hai tumhārī dasht-e-ġhurbat dekh kar

hue ruḳhsat jahāñ se sub.h hote
kahānī hijr meñ yuuñ muḳhtasar kī

niind bhī jāgtī rahī puure hue na ḳhvāb bhī
sub.h huī zamīn par raat Dhalī mazār meñ

ye sub.h o shaam yūñhī raheñge mire charāg
bas maiñ tujhe jalāne bujhāne meñ jā.ūñgā

savāl-e-sub.h-e-chaman zulmat-e-ḳhizāñ se uThā
ye nafa.a kam to nahīñ hai jo is ziyāñ se uThā

sub.h tak be-talab maiñ jāgūñgā
aaj to be-sabab maiñ jāgūñgā

nashāt-e-takya-e-zānū se sar uThāne tak
sitāra sub.h kā detā rahā salāmī mujhe

go mā-varā-e-vaqt bhī hai mujh meñ ek chiiz
mīzān-e-sub.h-o-shām meñ taulā gayā huuñ maiñ

be-sub.h nikaltā nahīñ vo raat ko ghar se
ḳhurshīd ke andāz haiñ saare ka.ī din se

dil meñ tire ḳhayāl se yuuñ raushnī huī
jaise ki sub.h aa.ī ho pahlī kiran ke saath