Tags-Subah

ġhazāl-e-ashk sar-e-sub.h dūb-e-mizhgāñ par
kab aañkh apnī khulī aur lahū lahū na milā

tujh ko charāġh nahīñ kah saktā
kyūñki charāġh to shām-e-ġharībāñ ke sahrā meñ sub.h-e-vatan kā naqsh-e-qadam hai

ki jis kī sub.h mahaktī thī shaam raushan thī
sunā hai vo dar-e-daulat ġharīb-ḳhāna huā

na kar tū baat mujh se mausamoñ kī
ye mausam sub.h tere shaam mere

ye jo rahte haiñ bahut mauj meñ shab bhar ham log
sub.h hote hī kināre pe paḌe hote haiñ

lillāhil-hamd kudūrat nahīñ rahne paatī
muñh dhulā detā hai har sub.h ko aañsū apnā

pichhle se vasl kī shab āsār sub.h ke haiñ
niklegā raat hī se aaj āftāb shāyad

shor hai kis bazm kī arz-e-jarāhat-ḳhāna kā
sub.h yak-bazm-e-namak sūd-e-charāġh-e-kushta hai

zulfeñ muñh par haiñ muñh hai zulfoñ meñ
raat bhar sub.h shaam din bhar hai

mirī zamīn pe sūraj ba-vaqt-e-sub.h o masā
nikal to aatā hai lekin kahāñ nikaltā hai

sub.h-e-ālām ke sūraj ko sadā detā huā
vus.at-e-shām-e-ġharībāñ meñ samāyā huā maiñ

nazar meñ shā.er ke phir rahā hai, harā-bharā pur-bahār jañgal
vo sub.h-e-rañgīñ, vo kaif-e-manzar, vo dāman-e-koh bindhiyā-chal

din ke pahlū se lagā rahtā hai andesha-e-shām
sub.h ke ḳhauf se niiñd aa.e to so bhī na sakūñ

jab lag meñ sub.h hsun-e-butoñ se milā na thā
dil ho.e gul sā haat se mere gayā na thā

kabhī tū ne sochā bhī sub.h-e-nau ki tamām raat guzār ke
jinheñ Das ga.ī tirī raushnī vo kahāñ vatan se chale ga.e

ek jism-e-nā-tavāñ itnī dabāoñ kā hujūm
ik charāġh-e-sub.h aur itnī havāoñ kā hujūm

nasīm-e-sub.h-e-tasavvur ye kis taraf se chalī
ki mere dil meñ chaman darkinār aatī hai

allāh-rī be-tābī-e-dil vasl kī shab ko
kuchh kashmakash-e-shauq bhī kuchh sub.h kā Dar bhī

hai qarīb ai shab zarā sub.h-e-qayāmat kā tulūa
TūTne ko hai azal-tābāñ tanāb-e-kahkashāñ

sarāpā-gosh hai sub.h-e-shab-e-tār
kisī kī dāstāñ hai aur maiñ huuñ