Tags-Subah

sochtī hai ki jis ke hijr meñ maiñ
sham.a sī sub.h-o-shām jaltī huuñ

jo zehn hī meñ siyāhī uñDel de sūraj
to phir tamīz kise sub.h kyā hai shab kyā hai

har sub.h kī qismat kahāñ ruḳhsār kī laalī
har shab kā kahāñ dīda-e-namnāk se rishta

sub.h kā hañstā sitāra tanhā
kaun jaane raat bhar kis karb se guzrā hai

shām-e-ġham jal jal ke misl-e-sham.a ho jā.ūñgā ḳhatm
sub.h ko ahbāb ā.eñge to dafnā.eñge kyā

tum aao gulshan-e-lahore se chaman-bardosh
ham aa.eñ subh-e-banāras kī raushnī le kar

rāt-bhar is shahr meñ vo sānehe hote haiñ 'zeb'
dil dahal uThtā hai merā sub.h ke aḳhbār se

sub.h kī dhuup
dhulī shaam kā ruup

huī jo sub.h to be-barg-o-bār the ashjār
tamām raat havā kā ajiib rañg rahā

hotī hī nahīñ sub.h nikhartā hī nahīñ nuur
hai Duubī huī shab kī siyāhī meñ sahar bhī

chhīnā thā jise sub.h-e-gurezāñ kī chamak ne
us lamhe ko ab shaam Dhale DhūñDh rahā huuñ

har sub.h mere sar par ik hādisa nayā hai
paivand ho zamīñ kā sheva is āsmāñ kā

le jhāḌū Tokrā hī aatā hai subah hote
jārūb-kash magar hai ḳhurshīd us ke haañ kā

ye anjuman-ārā.ī hai ik raat kī mehmān
tā-sub.h koī dekhne vaalā na rahegā

sub.h se sub.h talak jāgte hī umr kaTī
ek shab hī sahī bhar niiñd to soyā hotā

chashmak-e-barq-o-sharar se raat āñkhoñ meñ kaTī
sun rahe haiñ sub.h-e-nau ab zarfishāñ hone ko hai

ham pe to sub.h se raushan thī ye shām-e-be-kaif
tum ko is shaam se andāza-e-shab kuchh bhī nahīñ

jigar par daaġh lab par dūd-e-dil aur ashk dāman meñ
tirī mahfil se ham mānind-e-sham.a sub.h-dam nikle

nik.hat-e-sub.h-e-chaman bhuul na jaanā ki tujhe
the hamīñ niiñd se har roz jagāne vaale

fazā-e-shab hañs ke jagmagā.ī vo nāznīñ sub.h ban ke aa.ī
huā hai raushan mire shabistāñ meñ chāñd se āftāb pahle