Tags-Subah

yaar kyā zindagī hai sūraj kī
sub.h se shaam tak jalā karnā

mujhe jāgnā hai tamām umr isī tarah
mujhe sub.h-o-shām ke silsile meñ milāo mat

mujhe dekh lene do sub.h-e-fardā kī raushnī
mirī aañkh se abhī haath apnā haTāo mat

na sub.h-e-vasl karo va.ada shaam kā sāhab
yahāñ hai sham-e-sahar ārzū-e-shām nahīñ

vo shām-e-vasl hai ai ham-nashīñ sahar jis kī
vo sub.h-e-hijr hai ai dil ki jis kī shaam nahīñ

zindagī sham.a kī mānind jalātā huuñ 'nadīm'
bujh to jā.ūñgā magar subah to kar jā.ūñgā

jaise kisī se vasl kā va.ada vafā huā
yuuñ sub.h-dam charāġh se sho.ala judā huā

ab ye aalam hai ki merī zindagī ke raat din
sub.h milte haiñ mujhe aḳhbār meñ lipTe hue

bayābān-e-junūñ meñ shām-e-ġhurbat jab satāyā kī
mujhe rah rah kar ai sub.h-e-vatan tū yaad aayā kī

saath un ke jaan bhī armān bhī jā.eñge aaj
sub.h se pahle ravāna qāfila ho jā.egā

kahīñ maġhz us ke maiñ sub.h-dam tirī bū-e-zulf-e-rasā ga.ī
tire kūche se jo chaman talak gul uḌātī ḳhāk-e-sabā ga.ī

koī charāġh bache sub.h tak to tārīkī
usī charāg-tale jal ke raakh ho jaa.e

kyoñ sub.h nahīñ hotī mirī shām-e-alam kī
kyoñ ziist mirī maut ke sāñche meñ Dhalī hai

afvāh vo uḌī thī ki maiñ kal bahut hañsā
rotā huuñ aaj sub.h kā aḳhbār dekh kar

hasīñ sub.h hasīñ shaam chāhtā huuñ maiñ
ki zindagī ko ḳhush-anjām chāhtā huuñ maiñ

is shahr-e-ḳhāmushī meñ koī jāgtā bhī ho
'shahzād' kis ko sub.h kā muzhda sunā.eñ ham

ka.abe meñ nazar aa.e jo sub.h azaañ dete
maiḳhāne meñ rātoñ ko un kā bhī guzar dekhā

sub.h bhī apnī shaam bhī apnī
aur mai-e-gulfām bhī apnī

phuul sā nāzuk dil bhī apnā
gardish-e-sub.h-o-shām bhī apnī

lutf agar ye hai butāñ sandal peshānī kā
husn kyā sub.h ke phir chehra-e-nūrānī kā