Tags-Sukoon

ulfat meñ bhī sukūn kī daulat milī nahīñ
jiitā to huuñ zarūr magar zindagī nahīñ

mujhe yaqīñ hai nasīb merā na saath degā ki tajraba hai
sukūn ko iztirāb kahnā haqīqatoñ ko sarāb likhnā

tanhā.iyoñ kī bazm hī achchhī rahī 'ḳhayāl'
mahfil meñ pur-sukūn kabhī dil nahīñ rahā

sukūn-e-dil ke liye ham kahāñ kahāñ na ga.e
'sarosh' kuchh na milā zahmat-e-safar ke sivā

sukūn-e-qalb na āsā.ish-e-hayāt nasīb
ye zindagī hai to is zindagī se kyā lenā

ham ko na mil sakā to faqat ik sukūn-e-dil
ai zindagī vagarna zamāne meñ kyā na thā

dar pe tere jo sar jhukā lūñgā
is jahāñ meñ sukūn pā lūñgā

girā na aañkh se aañsū fareb-e-qismat par
sukūn jis se ho vo iztirāb paidā kar

kis qadar gunāhoñ ke murtakib hue haiñ ham
jo sukūn luTtā hai baar baar is ghar kā

baḌe sukūn se ḳhud apne ham-saroñ meñ rahe
jab ā.ina-sifat insān pattharoñ meñ rahe

har tarah kā sukūn hai har tarah kā hai kaif
phir bhī ye merā qalb pareshāñ hai kyā karūñ

ajiib uljhan meñ tū ne Daalā mujhe bhī ai gardish-e-zamāna
sukūn miltā nahīñ qafas meñ na raas aatā hai āshiyāna

itnā to zindagī meñ kisī ke ḳhalal paḌe
hañsne se ho sukūn na rone se kal paḌe

mire sukūn mirī har ḳhushī ko le Duubā
tirā fareb mirī zindagī ko le Duubā

dil ko kyā kyā sukūn hotā hai
jab koī aasrā nahīñ hotā

ik ghar banā ke kitne jhameloñ meñ phañs ga.e
kitnā sukūn be-sar-o-sāmāniyoñ meñ thā

kahāñ talāsh kareñ juz tire sukūn-e-nazar
ki is jahāñ meñ koī tujh sā dūsrā bhī nahīñ

samajh ke soch ke aanā ki is mohabbat meñ
jahāñ sukūn hai is meñ to rat-jagā bhī hai

nāyāb hai sukūn dil-e-be-qarār meñ
bismil kī hai taḌap mire kunj-e-mazār meñ

sukūn-e-dil gañvā baiThoge tum fitrat se laḌne meñ
jo chāho āfiyat apne qad-o-qāmat meñ ḳhush rahnā