Tags-Sukoon

kyā sukūn-e-kaif de rañgīn māhaul-e-qafas
har ghaḌī pesh-e-nazar tasvīr kāshāne kī hai

kis ko nahīñ sukūn kī ḳhvāhish jahān meñ
uftādgān-e-rahguzar-e-bād kyā kareñ

akele ghar meñ bharī dopahar kā sannāTā
vahī sukūn vahī umr bhar kā sannāTā

sukūn lamha-e-bhārī ne hī ugalnā hai
to chain arsa-e-be-tāb se nikalnā hai

sukūn-e-mohabbat jo mumkin nahīñ hai
baḌhā dījiye iztirāb-e-mohabbat

sābit huā sukūn-e-dil-o-jāñ kahīñ nahīñ
rishtoñ meñ DhūñDhtā hai to DhūñDā kare koī

jatā ke majbūrī-e-mohabbat umīd-e-mehr-o-vafā ke ma.anī
maiñ ḳhud huuñ apnā sukūn-e-dushman kisī kī koī ḳhatā nahīñ hai

dil kā sukūn rizq ke hañgāme khā ga.e
sukh aadmī kā chand nivāloñ ne Das liyā

ufuq se phūTte mahtāb kī mahak jaise
sukūn-e-bahr meñ ik lahar sī ubhārtī hai

ye vo matā-e-girāñ hai jo mil nahīñ saktī
sukūn-e-dil kī tamannā na kar zamāne meñ

sukūn-e-dil na mayassar huā zamāne meñ
na yaad rakhne meñ tum ko na bhuul jaane meñ

dil ko sukūn ruuh ko ārām aa gayā
maut aa ga.ī ki dost kā paiġhām aa gayā

unheñ bhī dāstān-e-hijr chupke se sunā hī dī
sukūn-e-shām-e-ġham ban kar sitāroñ kī zabāñ ho kar

kūche meñ zindagī ke talāsh-e-sukūn meñ
ik yug bhaTak ke maiñ ne guzārā hai in dinoñ

kartī hai ḳhud talāsh ye kāñToñ kā rāsta
is vāste sukūn se aarī hai zindagī

nazreñ talāsh kartī rahīñ jin ko umr-bhar
'darshan' ko vo sukūn ke lamhe kahāñ mile

ishq meñ phir sukūn kaise ho
dil jab aisā ho bad-gumāñ apnā

tavāf-e-ka.aba kiyā but-kada bhī dekh aa.e
sukūn-e-qalb yahāñ bhī nahīñ vahāñ bhī nahīñ

maiñ in kī nazroñ ke tiir khā kar taḌap rahā huuñ yahāñ pe lekin
vo kitne be-fikr lag rahe haiñ sukūn merā harām kar ke

tire baġhair kahāñ hai sukūn kyā ārām
kahīñ rahūñ mirī taklīf begharī sī hai